ترکیه جمهوریتی نینگ ۹۲ نچی ییل لیگی قیزغین کوتیب آلینماقده

ترکیه جمهوریتی نینگ ۹۲ نچی ییل لیگی قیزغین کوتیب آلینماقده.
بوگون اکتوبر آیی نینگ ۲۹ نچی کونی ترکیه جمهوریتیده جمهوریت بیرمی.
اوشبو مناسبت بیلن بوگون ترکیه جمهوریتی, شمالی قبرس ترک جمهوریتی و همده تشقی نماینده لیک لر ده خاص مراسم لر بولیب اوتماقده.
ترکیه جمهوریتی پایتختی انقره ده ایلک مراسم اتاترک یادگارلیگیده بولیب اوتدی.
ترکیه جمهوریتی جمهوررئیسی رجب طیب اردوغان اوشبو مراسم گه اشتراک ایتیشی آرتیدن جمهوررئیس لیگی قصریده خودی منه شو مناسبت بیلن تبریک لر نی قبول ایتدی.
کیین چه لیک ایسه جمهوررئیسی اردوغان نینگ اشتراکی بیلن اتاترک فرهنگ مرکزیده هم اوشبو مناسبت بیلن بیر مراسم بولیب اوتدی.
جمهوررئیسی اردوغان بوگون آقشام ترکیه وقتی بیلن ساعت ۸ ده جمهوررئیس لیگی قصریده جمهوریت نینگ قوریلگن لیگی نینگ ۹۲ نچی ییل لیگی مناسبتی بیلن بیر دعوت ترتیب لیدی.
میلادی ۱۹۲۳ نچی ییلی اکتوبر آیی نینگ ۲۹ نچی کونیده ترکیه جمهوریتی قوریلدی.
خودی منه شو کون ترکیه جمهوریتیده هر ییل جمهوریت بیرمی اوله راق قیزغین کوتیب آلینماقده.
اوشبو کون ترکیه ده رسمی روشده رخصتی بوله دی.
ترکیه جمهوریتی نینگ اساسچیسی مصطفی کمال اتاترک میلادی ۱۹۳۳ نچی ییلی اکتوبر آیی نینگ ۲۹ نچی کونیده بیرگن بیاناتلریده, اوشبو کون نینگ ترکیه نینگ اینگ کتته بیرمیدن عبارت ایکن لیگی نی بیلدیرگن ایدی.