امریکا حربی اوچاقلری ترکیه گه ییتیب کیلدی
12 فروند طیاره عملیاتلرگه اورین آله دی
امریکا حربی اوچاقلری ترکیه گه ییتیب کیلدی
امریکا قوشمه ایالتلری مدافعه وزیرلیگی پنتاگون دن بیر اداره چی تمان انادولی آژانسی گه بیریلگن بیانات گه کوره امریکا نینگ مودی عسکری قونلغه سیدن اوچگن 12 فروند A-10 مودل حربی اوچاقلر ترکیه ده گی انجیرلیک قونلغه سیگه کیلیب قوندی. اوشبو اداره چی ائتلاف کوچلری گه همکارلیک اوچون کیلتیریلگن مذکور طیاره لر اگست آی جریانیده ایتالیا ده گی اویانو عسکری قونلغه دن انجیرلیک قونلغه سیگه کیلگن 6 فروند F-16 حربی اوچاق لرنینگ وظیفه سینی آلرلیگی نی معلوم قیلدی. مذکور کیشی ترکیه بیر ناتو متفقی و امریکا قوشمه ایالتلری نینگ یقین بیر دوستی عین دمده داعش گه قرشی مجادله اوچون اویوشتیریلگن ائتلاف کوچی نینگ اعضاسی دیر. امریکا نینگ هوایی هجوم لری اوچون ترک قونلغه لریدن ایش آلیشی ترکیه اوچون مهم بیر کوچ بوله دی، دیدی. تانک قاتلی اوله راق اتلگن اوشبو A-10 حربی اوچاقلر پیاده کوچلریگه یقین هوایی همکارلیک اوچون تولید ایتیلگن دیر. آز ارتفاع و آز سرعت بیلن حرکت ایته دیگن اوشبو اوچاقلر هر تورلی هدف نی نشان آلیب اورش گه قادر دیر. خودی شو A-10 اوچاقلردن خلیج اوروشلریده ایش آلینگن ایکن، قرن و قناتلریگه دافع هوا مرمی لری نینگ تیشیک لری بولگن حالده قونلغه گه باریب قونیش گه موفق بولگن ایدی.