ترکیه بی بی سی نی قتتیق بیر شکلده قاره له دی

ترکیه جمهوریتی تشقی ایش لر وزیرلیگی بی بی سی نینگ بولوچی ترور تشکیلاتی پی کا کا بیلن علاقه لی نشراتی نی قاره لب چیقدی.
انگلستان ده فعالیت آلیب باریتگن بی بی سی نینگ ترکیه ده اوز تروریستیک هجوم لری نی دوام ایتتیریتگن ترور تشکیلاتی پی کا کا بیلن علاقه لی حجتلی فلمی عکس العمل گه سبب بولیب کیتدی.
ترکیه, بی بی سی نینگ اوشبو نشراتی نی قتتیق بیر شکلده قاره له دی.
تشقی ایش لر وزیرلیگی تمانیدن بیریلگن بیاناتده اوشبو نشرات نینگ قبول ایتیلیشی نینگ ممکن ایمس لیگی بیلدیریلرایکن, "اوروپا بیرلیگی و باشقه کوپلب اولکه لر تمانیدن تروریست اوله راق اعلان ایتیلگن بیر ترور تشکیلاتی حقیده بونده ی بیر نشرات آلیب باریلیشی تروریزم نینگ حمایه له نیشی معنی سی گه کیلماقده" دییه قید ایتیلدی.
بی بی سی نینگ, شمالی آیرلند ده بیر پولیس مرکزی گه قره ته هجوم اویشترگن آی آر ای حقیده آلیب باریتگن نشرات پالیسی سی نی ترور تشکیلاتی پی کا کا اوچون هم دوام ایتتیریشی نینگ کوتیلیتگن لیگی بیلدیریلگن بیاناتده, بونده ی نشرات نینگ تروریزم دن ضرر کورگن کیشی لرنینگ حقلری نینگ پایمال ایتیلگن لیگی معنی سی گه کیلیتگن لیگی بیلدیریلدی.