جمهوررئیسی غنی ترکیه ده گی تروریستیک هجوم نی قاره له دی

افغانستان جمهوررئیسی محمد اشرف غنی توناون ترکیه ده اویشتریلگن تروریستیک هجوم نی قتتیق بیر شکلده قاره له دی.
جمهوررئیسی غنی, تروریزم نی منطقه و جهان گه قرشی مشترک بیر تهدید دن عبارت ایکن لیگی نی بیلدیررایکن, خودی منه شو معما گه قرشی مشترک روشده کوره ش آلیب باریلیشی کیره ک ایکن لیگی نی ایسله تیب اوتدی.
جمهوررئیسی غنی, ترکیه جمهوریتی جمهوررئیسی رجب طیب اردوغان گه تسلیت بیلدیررایکن, یاره لنگن کیشی لر گه تنگری تعالی دن عاجل شفا لر تیلب قالدی.
توناون توشدن کیین ترکیه نینگ سوریه چیگره سیده گی اورفا ولایتی سوروچ اولسوال لیگی ده یوز بیرگن انفجار عاقبتیده ۳۲ کیشی جان بیرگن ایدی.