ترکیه ده ینگی حکومت نینگ قوریلیشی احمد داوود اوغلی گه تاپشیریلدی
داوود اوغلی نینگ قیرق اوچ کونده ینگی حکومت نی قوریشی کیره ک
ترکیه ده ینگی حکومت نینگ قوریلیشی وظیفه سی باش وزیر احمد داوود اوغلی گه تاپشیریلدی.
ترکیه جمهوریتی جمهوررئیسی رجب طیب اردوغان, ۶۳ نچی حکومت نینگ قوریلیشی وظیفه سی نی عدالت و توسعه حزبی نینگ رهبری و ترکیه جمهوریتی باش وزیری احمد داوود اوغلی گه تاپشیردی.
توناون جمهوررئیسی اردوغان, جمهوررئیس لیگی قصریده باش وزیر داوود اوغلی نی قبول ایتدی.
جمهوررئیس لیگی سوزلاوچی سی ابراهیم قالین انترنت آرقه لی بیرگن بیانات لریده, "جمهوررئیسی میز, ۶۳ نچی حکومت نینگ قوریلیشی وظیفه سی نی حرمتلی احمد داوود اوغلی گه تاپشیردی" دییه قید ایتدی.
داوود اوغلی هم استانبولده بیر افطار پروگرامیده بیرگن بیاناتلریده, کیله جک جمعه کونی گه قدر ائتلافی حکومت نینگ شریک لری نینگ انیق لشتریلیشی بوییچه فعالیت لرنینگ بیرینچی قسمی نی تکمیل قیلیش نی ریجه لیتگن لیک لری نی بیلدیردی.
داوود اوغلی, "ایلک نوبت ده حزب لرنینگ رهبر لری بیلن صحبت ایته میز. اوشبو موضوع بیلن علاقه لی صحبت طلب لری میز اولر گه بیلدیریلدی" دییه قید ایتدی.
داوود اوغلی, اصولاً, آلینگن رای و پارلمانده کسب ایتگن کرسی لر گه کوره, بیرینچی دن جمهوریت خلق, ایککینچی دن ملیتچی حرکت و اوچینچی دن ایسه خلق لر نینگ دموکراسی سی حزبی بیلن صحبت ایتیش نی پلان لیتگن لیگی نی ایسله تیب اوتدی.
داوود اوغلی نینگ, ۴۳ کون لیک بیر مدت مابینیده (آگست آیی نینگ ۲۳ نچی کونی گه قدر) حکومت نی قوریشی کیره ک.
