اردوغان: ترکیه سونگگی گه قدر اویغور لرنینگ یانیده بوله دی

ترکیه جمهوریتی جمهوررئیسی رجب طیب اردوغان, ترکیه نینگ چین سینجان اویغور خودمختار منطقه سیده گی قرداش لری نینگ یانیده ایکن لیگی نی بیلدیردی.
اردوغان, " اوشبو موضوع بیلن علاقه لی انسان لری میز نینگ احتیاط بولیشی کیره ک. تحریک ایتوچی کیشی لر نینگ اوینی گه دوچ کیلیب قالمه سین لر" دییه قید ایتدی.
اردوغان, جمهوررئیس لیگی قصریده, ایلچی لر اوچون ترتیب لنگن افطار دعوتیده قیلگن صحبتی جریانیده, جاری آی نینگ سونگگیده چین گه سفر قیله دیگن لیگی نی معلوم قیلدی.
اردوغان, دنیا نینگ قییریده بولیشی گه قره مسدن ترک لر بیلن علاقه لی ینگی لیک لر نی حساسیت بیلن تعقیب ایتیتگن لیک لری نی بیلدیردی.
جمهوررئیسی اردوغان, "چین خلق جمهوریتی نینگ سینجان اویغور خودمختار منطقه سیده یشیتگن قرداش لری میز گه قره ته باسیم قیلینگن لیگی گه تیگیشلی ادعا لر خلقی میز نینگ حساسیتی نی آرتریب یوباردی. اینیقسه میدیا ده گی ایریم یلغان و ینگلیش خبر لر خودی منه شو حساسیت دن منفی بیر شکلده استفاده ایتیلیشی اوچون زمینه یره تماقده. استانبولده کوریلیشی آرزو ایتیلمه ایریم حادثه لر یوز بیردی. ترکیه سونگگی گه قدر اویغور قرداش لری میز نینگ یانیده بوله دی. اویغور قرداش لری میز نینگ قیین چیلیک لری نی اینگ یوقاری سویه ده مطرح ایتماقده میز و مطرح ایتیش گه دوام ایته میز" دییه قید ایتدی.
ترکیه نینگ اوشبو حساسیتی نینگ تشقی ایش لر وزیرلیگی واسطه سی بیلن چین خلق جمهوریتی ایلچی سی گه بیلدیریلگن لیگی نی معلوم قیلگن جمهوررئیسی اردوغان, چین گه قیله دیگن سفری جریانیده اوشبو موضوع نی مطرح ایته دیگن لیگی نی ایسله تیب اوتدی.