تورکیه نینگ کابینه سی استعفا ایتدی

تورکیه نینگ کابینه سی استعفا ایتدی
جمهور رییس رجب طیب ایردوغانباش وزیر احمد داود اوغلی تمانیدن تقدیم ایتیگن کابینه نینگ استعفا سینی قبول ایتدی. باش وزیر احمد داوداوغلی عدالت و ترقیات حزبی نینگ مرکزیده وزیرلر بیلن اوچره شیب جمهور رییس لیک اوییگه باردی. جمهور رییس بیلن باش وزیرنینگ اوچره شووی خصوصی بیر شکلده بولیب اوتدی. جمهور رییس لیک مطبوعات اداره سی تمانیدن ترقه تیلگن بیاناتده، جمهور رییس ایردوغان نینگ باش وزیر تمانیدن تقدیم ایتیلگن کابینه نینگ استعفا سی نی قبول ایتگن لیگی بیلدیریلدی. جمهور رییس ایردوغان کابینه گه اوز منتدارچیلیگی نی بیلدیریب، ینگی حکومت قورولگونچه کابینه نینگ اوز وظیفه سیگه دوام ایتیشی نی ایسته گن لیگی معلوم قیلیندی.
سیلاو کمسیونی 7 نچی جون ده بولیب اوتگن سیلاو بیلن تیگیشلی اعتراض لرنی تیگشیرگن دن کیین 19 ویا 20 نچی جون ده رسمی نتیجه نی اعلان قیلیشی کوتیلماقده دیر. رسمی نتیجه اعلان بولگن دن کیین جمهور رییس ایردوغان ینگی حکومت قوروش وظیفه سینی احمد داود اوغلی گه تاپشیره دی. خودی شو سیلاوده بیرینچی اوریننی آلگن عدالت و ترقیات حزبی نینگ رییسی احمد داود اوغلی ائتلافی ینگی حکومت نی قوروش اوچون مجلس گه اورین آلگن حزب لرنینگ رییس لری بیلن اوچره شیب اوته دی. اساسی قانون گه کوره جمهور رییس تمانیدن حکومت قوروش وظیفه سی بیریلگن دن کیین 45 کون گچه ینگی حکومت قورولیشی کیره ک. داود اوغلی حکومت قوروش گه موفق بولمه گن تقدیرده جمهور رییس حزب لرنینگ آلگن رایی گه کوره باشقه بیر حزب نینگ رییسی گه حکومت قوروش وظیفه سینی تاپشیره دی.
خودی شو سیلاونینگ آرتیدن پارلمان گه اورین آلگن حزب لرنینگ رییس لری اوز فکرینی بیان ایتدی.
جمهوریت خلق حزبی رییسی کمال قیلیچدار اوغلی ینگی سیلاوگه قرشی چیقیب، اولکه نینگ منفعتی اوچون ینگی بیر اداره قوروشیمیز کیره ک، دیدی.
ملیتچی حرکت حزبی رییسی دولت باغچه لی ائتلافی حکومت گه قرشی بولسه هم حزب اداره چیلری بیلن ائتلاف بیلن علاقه لی جلسه لر اویوشتیرماقده دیر. بیراق ملیتچی حرکت حزبی نینگ بعضی بیر شرط لرنی مطرح قیلیب ائتلاف اوچون علاقه سی بولگن لیگی ایتیلماقده دیر.
خلق لرنینگ دموکراسی حزبی رییس لریدن بیرته سی بولگن صلاح الدین دیمیرتاش عدالت و ترقیات حزبی بیلن جمهوریت خلق حزبی آره سیده ائتلاف حکومتی قورولیشی کیره ک لیگی نی ایفاده ایتماقده دیر.