27 نچی می کوداتاسی نینگ 55 نچی ییل لیگی

27 نچی می کوداتاسی نینگ 55 نچی ییل لیگی
27 می 1960 نچی ییل کوداتالرنینگ باشله گن و تورک سیاسی تاریخی نینگ اینگ قاره کونی دیر. اوتیب کیتگن بونچه ییل دوامیده تورکیه یسّی جزیره، اعدام ایتیلگن باش وزیر و وزیرلرینی اونوتمه گن دیر. کوپ حزب لیک سیستم گه میلادی 1946 نچی ییل اوتگن تورکیه ده 4 ییل دن کیین دموکرات حزب، خلق دن آلگن 52 فایز رای بیلن اقتدارنی قولگه کیریتگن. اوشبو اقتدار 10 ییل دوام ایتگن ایکن، بعضی بیر عالی بیلم یورت لری و محصل لر اقتدارگه قرشی مضاهره قیلیش لری اوچون تشویق ایتیلماقده ایدی. بولیب اوتکن حادثه لرنینگ آرتیدن انقره و استانبول ده استبدادی رژیم اعلان ایتیلگن دیر. تورکیه قوراللی کوچلری ده گی بعضی بیر جنرال و منصب دارلر 38 کیشی لیک ملی بیرلیک کمیته سینی ایجاد ایتیب، باش وزیر عدنان مندرس گه میلتیق قره تگن ایدی. اردو دموکرات حزب نینگ تورکیه نی آرقه گه آلیب کیتگن لیگی بهانه سی بیلن 27 می 1960 نچی ییل ایرته لب اداره نی اوز قولیگه کیریتدی. کوداتا دگروال آلپ ارسلان تورکیش تمانیدن "عزیز وطنداشلر تناون کیچه دن باشلب تورکیه ده تینگیز، هوا و پیاده کوچلری قولمه – قول بولیب اولکه نینگ اداره سینی قولگه کیریتدی" دیب رادیو آرقه لی اعلان قیلگن دیر. ملی بیرلیک کمیته سی اساسی قانون و پارلمان نی یاپیب، سیاسی فعالیتلرنی توخته تیب قویدی. جمهور رییس جلال بایر، وزیرلر، دموکرات حزبی نینگ ملت وکیل لری، قوراللی کوچلر قومندانی سترجنرال رشدی ایردلخون بیلن بیرگه لیکده یوکسک مرتبه لی اداره چیلر اوشلب آلینگن.
یسّی جزیره نینگ کونلری باشله گن بولدی
تاریخچی لرگه کوره عملگه آشیریلگن محکمه لر حقوقی ایمس ایدی. محکمه نینگ آرتیدن 15 سپتمبر 1961 نچی ییل جمهور رییس جلال بایر، باش وزیر عدنان مندرس، تشقی ایشلر وزیری فاتح رشدی زورلی، مالیه وزیری حسن پولاد قان بیلن توپلم 15 کیشی اعدام گه محکوم ایتیلدی. انچه اولکه لرنینگ اداره چیلری اعدام نی محکوم ایتگن ایدی. خلق ارا اداره لر جمال گورسل اداره سیده گی ملی بیرلیک کمیته سیگه نیچه بار اعدام نینگ توخته تیلیشی نی سوره گن. مذکور کمیته جلال بایر، عدنان مندرس، حسن پولاد قان و فاتح رشدی زورلی دن باشقه برچه محکوملرنینگ اعدام جزاسینی عفو ایتدی. بایرگه یاش حدودی باعث معبد قماق جزاسی بیریلگن ایکن، اولاً بار ایکّی وزیر اعدام ایتیلدی. خودی شو کون انتحار ایتیش گه موفق بولمه گن عدنان مندرس 17 سپتمبر 1961 نچی ییل اعدام ایتیلدی. هیچ آزورده ایمس من دیگن عدنان مندرس وفات ایتگن بولدی. ییللر سونگره 1990 نچی ییل پارلمان تمانیدن قبول ایتیلگن قانون بیلن عدنان مندرس و اورتاقلری نینگ اعتبارلری قیتیب بیریلدی. دموکراسی شهیدلری نینگ جنازه لری یسّی جزیره دن کیلتیریلیب رسمی بیر شکلده استانبول ده دفن ایتیلدی. حادثه دن 50 ییل کیین 27 می 2012 نچی ییل پارلمانده کوداتا تحقیق کمسیونی ایجاد ایتیلدی. انه ایندی برچه کوداتالر افسوس بیلن اوزاق ییل لر خاطره لرده قاله دی