اردوغان: ترکیه بیلن ایران مناسبت لری نینگ یخشی بولیشی کیره ک

ترکیه جمهوریتی جمهوررئیسی رجب طیب اردوغان, ایران گه قیلگن سفری جریانیده ایران جمهوررئیسی حسن روحانی بیلن مشترک بیر مطبوعاتی کنفرانس ترتیب له دی.
جمهوررئیسی اردوغان, ترکیه نینگ عراق, سوریه و یمن ده اوروش لرنینگ توخته تیلیشی بیلن علاقه لی قولیدن کیله دیگن برچه ایش لر اوچون تیار ایکن لیگی نی بیلدیردی.
روحانی ایسه, ترکیه بیلن بولگن یخشی علاقه لر نینگ دوام ایتیشی نی آرزو ایتیتگن لیک لری نی معلوم قیلدی.
جمهوررئیسی اردوغان بیلن منطقه ده گی برقرار سیزلیک نینگ تحمل ایتیله آله دیگن بیر وضعیت ده ایمس لیگی باره سیده بحث ایتگن لیک لری نی بیلدیرگن روحانی, یمن و منطقه ده گی اوروش لر نینگ توخته تیلیشی بوییچه همفکر لیک بیلدیرگن لیک لری نی ایسله تیب اوتدی.
جمهوررئیسی اردوغان, روحانی بیلن بیرگه ریاستی نی آلیب بارگن ترکیه- ایران عالی همکارلیک کینگشی ییغیلیشی جریانیده ۸ کیلیشو گه قول قویگن لیک لری نی معلوم قیلدی.
حسن روحانی بیلن فرهنگ, توریزم, سیاست, انرژی, ترانسپورت و اقتصاد ساحه سی بوییچه همکارلیک لر خصوصیده بحث ایتگن لیک لری نی بیلدیرگن اردوغان, منطقه ده گی وضعیت نینگ جوده یمان ایکن لیگی نی معلوم قیلیب, تروریزم گه قرشی کوره ش توغری سیده خلق ارا مقیاسده نیمه لرنینگ قیلینیشی کیره ک ایکن لیگی توغری سیده بحث ایتگن لیک لری نی ایسله تیب اوتدی.
ایککی دوست اولکه نینگ اینیقسه طبعی گاز و برق قیمت لری بوییچه اوز ارا کیلیشیب آلیش لری کیره ک ایکن لیگی نی بیلدیرگن جمهوررئیسی اردوغان, اوشبو موضوع بیلن علاقه لی تهران رهبریتی نینگ کیره ک لیک قدم نی تشله شی کیره ک ایکن لیگی نی معلوم قیلدی.
طبعی گاز نینگ ارزان بولیشی تقدیرده, ینه ده کوپراق گاز ساتیب آله دیگن لیک لری نی بیلدیرگن جمهوررئیسی اردوغان, ایککی اولکه آره سیده گی تجارت حجمی نینگ آرتریلیشی کیره ک ایکن لیگی نی ایسله تیب اوتدی.
اردوغان ایککی اولکه آره سیده گی تجارت نینگ دالر بیلن ایمس, بلکه اوشبو اولکه لرنینگ اوز پول لری بیلن بولیشی کیره ک ایکن لیگی نی معلوم قیلدی.
اردوغان, سوز لری نینگ اداغیده جمهوررئیسی روحانی گه میزبان لیغی اوچون منتدارچیلیک بیلدیردی.
اردوغان نینگ دینی رهبر آیت الله خامنه ای بیلن هم اوچره شیشی کوتیلماقده.
اردوغان بیلن اوشبو سفری جریانیده ترکیه جمهوریتی نینگ آلتی وزیری هم همراه لیک ایتماقده.