جمهور ریس لیک سوزلاوچی سی جواب بیردی

جمهور ریس لیک سوزلاوچی سی جواب بیردی
تورکیه جمهور ریسی رجب طیب ایردوغان ارمنستان جمهور ریسی سیرژ سرکیسیان نی تورکیه نینگ استقلال دوری اوروشللریده گی "چاناق قلعه اوروشی" نینگ 100 نچی ییل قوتلاوی اوچون دعوت ایتگن ایدی. بیراق ارمنستان جمهور ریسی اوشبو دعوتگه قرشی بی حرمت لیک ایتیب، بعضی بیر ایفاده لر صرف ایتگن لیگی بیلدیریلدی.
تورکیه جمهور ریس لیک سوزلاوچیسی ابراهیم قلین، سرکیسیان تمانیدن دیپلوماتیک اخلاقی گه مناسب بولمه گن سوزلر صرف ایتیلگن لیگی باعث محکوم ایتیب، سوزلرینی اوزیگه قیته ره میز، دیدی.
قلین جنابلری جمهور ریسیمیز میلادی 2005 نچی ییلده مشترک کمسیون قوریلیشی نی پیشنهاد ایتگن ایدی. میلادی 2009 نچی ییلده تورکیه – ارمنستان آره سیده گی مناسبتنی معتدل قیله دیگن کیلیشوولر امضا لنیشیگه باعث بولگن ایدی. 2014 نچی ییلده ارمنستان اوچون اوز تسلیتینی ایفاده ایته یاتگن پیام ترقتگن ایدی. بیراق ارمنستان اداره چی لری اوشبو اونیملی آدیم لرگه مثبت جواب بیرمه گن دیر. عین دمده میلادی 1915 نچی ییل ده گی حادثه لر توغریسیده عادل قضاوت قیلمه گن دیر. منطقه ده باریش نینگ اورته گه کیلیشی اوچون قره باغ نینگ اشغالینی یکونله مه گن دیر. اوشبو حرکت لر ارمنستان و ارمنی خلقی گه ضرر بیریشی ممکن دیر، دیدی.