ترکیه جمهوررئیسی اردوغان: ناتانیاهو دولت تررویزمی گه سبب بولگن

ترکیه جمهوریتی جمهوررئیسی رجب طیب اردوغان, تی آر تی تلویزیونی بیلن اختصاصی بیر شکل ده مصاحبه قیلدی.
شوندای قیلیب اردوغان, ایلک مراتبه ینگی جمهوررئیس لیگی قصری ده تی آر تی تلویزیونی نینگ ژورنالست لری نی کوتیب آلدی.
ارمنی قیرغینی ادعا لری باره سیده هم بحث ایتگن جمهوررئیسی اردوغان, ارمنی لوبی سی نینگ جنجال خلق قیلیب پروسه نی دوام ایتتیریش گه حرکت ایتیتگن لیگی نی بیلدیررایکن, "ایریم تمان لرنینگ طلبی گه بناً ارمنی قیرغینی ادعا لری نی قبول ایتیشی میز ممکن ایمس" دییه قید ایتدی.
اردوغان, موضوع بیلن علاقه لی صمیمی بولیش لری تقدیرده, آرشیف لرنینگ تحقیق ایتیلیشی اوچون اوشبو ایش نینگ تاریخچی لر گه تاپشیریلیشی کیره ک ایکن لیگی نی بیلدیردی.
جمهوررئیسی اردوغان, یونان ده بولیب اوتگن سیلاو لرنینگ نتیجه سی باره سیده گی سئوال لر گه هم جواب قیتردی.
یونان ده گی سریزا نینگ هیچ تجربه قیلینمه گن بیر حزب دن عبارت ایکن لیگی نی بیلدیرگن اردوغان, "کمپاین لر جریانیده بیرگن وعده لری بیلن یونان خلقی تجربه قیلیش اوچون سیله گن دیک کورینماقده. یاش و محرک بیر حرکت. آلکسیس نینگ اوشبو وضعیت دن یخشی بیر شکل ده استفاده ایتیشی کیره ک" دییه قید ایتدی.
اردوغان, یونان بیلن ترکیه آره سیده گی علاقه لر باره سیده ایسه, "دولت لر نینگ دوامی" اساسی گه کوره, برچه رژیم لر بیلن مناسبت قوریب کیلگن لیک لری نی بیلدیررایکن, علاقه لرنینگ هر دایم یخشی بولیب کیلگن لیگی نی معلوم قیلدی.
ترکیه بیلن اوروپا بیرلیگی آره سیده گی علاقه لر باره سیده هم بحث ایتگن اردوغان, اوشبو بیرلیک نینگ هیچ قچان ترکیه گه قرشی صمیمی بیر سیاست آلیب بارمه گن لیگی نی معلوم قیلرایکن, "صمیمی بیر سیاست آلیب باریش لری نی آرزو ایتیب قاله میز. مذاکره فصل لری نینگ آچیلیشی و کیره ک لیک نرسه لرنینگ بجا کیتیریلیشی اوچون ایککی آی لیق بیر مدت ییترلیک" دییه قید ایتدی.
فرانسه ده گی شارلی ابدو مجله سی گه قره تیلگن هجوم نینگ بیر پلان دن عبارت ایکن لیگی یاکه ایمس لیگی توغری سیده ایسه اردوغان, ۱۶ آی لیق بیر مدت بیلن قماق خانه ده بولگن هجومچی لرنینگ نیمه اوچون فرانسه استخباراتی تمانیدن تعقیب ایتیلمه گن لیگی نی سوره دی.
اسرائیل باش وزیری ناتانیاهو نینگ فرانسه ده دنیا رهبر لری نینگ تروریزم گه قرشی حرکتی گه اشتراک ایتگن لیگی توغری سیده ایسه اردوغان, "دعوت ایتیلمه گن لیگی گه قره مسدن کیلگن لیگی نی کوردیک. او ییر ده تروریزم نینگ تقبیح ایتیلیشی اوچون رهبر لرنینگ کیلگن لیگی تروریزم نینگ بیر دینی و ملیتی نینگ موجود ایمس لیگی نی کورستماقده. تروریزم بیر وحشت دن عبارت. لیکن, ناتانیاهو دولت تروریزمی گه سبب بولگن بیر کیشی" دییه قید ایتدی.