تورکیه نینگ افغانستان ده گی مکتبی بیرینچی فراغتینی نشانله دی
تورکیه نینگ معارف وزیرلیگی تمانیدن افغانستان شمالیده جایلشگن آقچه تومنیده گی قیز لیسه سی نینگ بیرینچی فراغتی نشانلندی
تورکیه نینگ افغانستان ده گی مکتبی بیرینچی فراغتینی نشانله دی
تورکیه نینگ معارف وزیرلیگی تمانیدن افغانستان شمالیده جایلشگن آقچه تومنیده گی حبیبه قادری قیز لیسه سی نینگ بیرینچی فراغتی نشانلندی. مذکور لیسه نینگ فراغت احتفالیگه تورکیه معارف وزیری نبی آوجی تیلفون آرقه لی تماس آلیب، 27 ته قیز باله نی تبریکله برکت قادری گه هم اوز منتدارچیلیگینی بیلدیرگن دیر. حبیبه قادری لیسه سی میلادی 2008 ییلیده افغانسان لیک سوداگر حاجی برکت قادری تمانیدن توزه تیلگن و تورکیه معارف وزیرلیگی گه تسلیم ایتیلگن دیر. عین دمده تورکیه لیک اوقوتوچیلر تمانیدن درس بسیریلیب کیلماقده دیر. مذکور احتفالده تورکیه نینگ مزارشریف باش قنسلی مصطفی ایردیویرن تورکیه بیلن افغانستان آره سیده گی دوستلیک مناسبتی توغریسیده سوز یوریتگن. جوزجان والیسی بیره م مراد قویونلی ایسه تورکیه نینگ قیلگن یاردملری اوچون افغانستان خلقی و دولتی نینگ منتدارچیلیگی نی بیلدیرگن دیر.