تورکیه مطبوعاتی خلاصه لری

تورکیه مطبوعاتی خلاصه لری

خبر تورک کونده لیگی: اسراییل لیک لرامریکا لیکلرگه تاش آتگن
اسراییل تمانیدن فلسطین لیک لرنی یاغاچلری کیسیلگن ایدی. انه شو حالده مذکور حادثه نی تحقیق قیلیش اوچون امریکالیک دیپلوماتلر اسراییل حکومتی اجازه سی بیلن منطقه گه بارگنلر. امریکالیک دیپلوماتلر، غزه ده یشه یاتکن اسراییل لیکلر تمانیدن تاشله نگن و هیاًت ایسه قیتیب کیلگن دیر. اسراییل مجلسی تشقی ایشلر مسوولی دانی دایان " خلق ارا جماعتی نینگ منطقه ده فلسطین دولتینی قوریشی ممکن ایمس" دیب ایتگن. انه شو حالده فلسطین غزه ده 40 ته اسراییل لیک عایله یشه ماقده دیر.

وطن کونده لیگی: مسجدیمگه قول تیگمه
بیر هفته جریانیده سیویدن ده گی مسجدلر 3 بار الو بیریلگن ایدی. انه شو اوچون مسلمانلرگه یاردم بیریش اوچون اینگ سونگ کویدیریلگن مسجدنی قلب عکسی بیلن چیرایلی قیلیب، یسه گنلر. عین دمده مسلمانلر "مسجدیمگه قول تیگمه" دیگن شعارلر ایتیب، سیویدن کوچه لریگه مظاهره قیلگن لر. سیویدن لیکلر هم اوز حمایه لرینی کورساتیش اوچون مذکور مظاهره چیلرگه قتنشگن لردیر.

ستار کونده لیگی: قهرمان توغچه اوچون دعا و نعت اوقیلدی
توغچه آتیده گی تورکیه لیک بیر قیز سیربستان لیکلر تمانیدن جرمنیده اولدیریلگن ایدی. آلمانده گی بیر رستورانت نینگ یقینیده سیربستان لیک یاش ایگیتلر، ایکّی ته آلمانلیک قیزگه تیاق آتیب تورگن دیر. بیراق توغچه ایسه رستورانت دن چیقیب، یاش قیزلرنی تیاق دن قوتقازیش اوچون حرکت قیلگن. تورکیه لیک 22 یاشیده گی قیز، مذکور حادثه ده یاره له نیب، کسل خانه ده وفات قیلگن ایدی. انه شو اوچون جرمنی مونیخ ده گی حاجی بره م مسجدیده توغچه نینگ فاتحه سی آلینگن دیر.

صباح کونده لیگی: ایبولا کسل لیگی احتمالی اوز نهایه سیگه ییتیشی ممکن دیر
خلق ارا جمغرمه سی ساغلیق اداره سی مسوولی انتونی بانبوری، ایبولا کسل لیگی گه قرشی قتیق مجادله بیریب تورگن میز، میلادی 2015 . نچی ییلده مذکور کسللکنی چاره سینی تاپیب یوقاته میز دیب، ایتگن.

ینگی شفق کونده لیگی: ینگی ییلگه ینگی سمایه گذارلیک بیلن کیرماقده میز
تورکیه نینگ عثمانیه ولایتیده تورکیه- جاپان اولکه سی مشترک "توسیه لی- تویو" آتیده فولاد تیمیر فابریکه سی نینگ بنیادی قییلدی. مذکور فابریکه نینگ بنیاد قوییش احتفالیده تورکیه صدراعظمی احمد داوداوغلی هم قتنشگن ایدی. احمد داود اوغلی اوز صحبتیده، ینگی ییلگه ینگی پروژه لربیلن آدیم آتیش جده گوزه ل دیر دیگن. داوداوغلی، مذکور فابریکه ده 10 مینگ کیشی نینگ ایشگه کیریشی ممکن دیب ایتگن. اوشبو فابریکه اروپا، آسیا و افریقا اولکه لریگه مال اخراج قیلیشی ممکن دیر.