ترکیه بیلن ترکمنستان آره سیده گی علاقه لر آرتیب بارماقده

ترکیه جمهوریتی جمهوررئیسی رجب طیب اردوغان نینگ ترکمنستان سفری دوام ایتماقده.
جمهوررئیسی اردوغان, اوغوزخان قصری ده ترکمنستان جمهوررئیسی قربانقلی بیردی محمدوف تمانیدن رسمی مراسم بیلن کوتیب آلیندی.
کوتیب آلیش مراسمی جریانی ده جمهوررئیسی اردوغان نینگ تشریفات قطعه سی نی معاینه ایتیشی کیره ک ایدی.
ترکمنستان جمهوررئیسی بیردی محمدوف حرکت ایترایکن, جمهوررئیسی اردوغان ایگیلیب جای نینگ انیق لشتریلیشی اوچون ییر گه قویلگن ایککی اولکه نینگ بیراغی نی آلیب کیسه سی گه قویدی.
کیین چه لیک رسمی مراسم آرتیدن اوغوز خان قصری ده ایککی رهبر اوز ارا اوچره شدی.
هیئت لر ارا اوچره شو لر آرتیدن ایسه کیلیشو لر گه قول قویلدی.
اوشبو کیلیشو لر دن بیری ایسه, ترکمنستان گازی نینگ ترکیه گه کیتیریلیشی بیلن علاقه لی کیلیشو دن عبارت بولدی.
اردوغان, "ترانسپورت و انرژی ساحه سیده گی همکارلیگی میز ترکمنستان بیلن بولگن علاقه لری گه ستراتیژیک بیر بُعد کسب ایتترماقده" دییه قید ایتدی.
ترکمنستان نینگ جیوپولیتیک اهمیتی نی هم معلوم قیلگن جمهوررئیسی اردوغان صحبت لری دوامی ده, افغانستان ده برقرارلیک نینگ تامین ایتیلیشی نینگ منطقه گه قوشه دیگن حصه سی گه دقت قره تدی.
جمهوررئیسی اردوغان اوز سوز لری نی, "اورته آسیا نینگ خزر دینگیزی آرقه لی خلق ارا بازار لر بیلن ارتباط قوریشی اوچون ترکمنستان اوزی گه خاص بیر اهمیت گه ایگه. اوشبو جهت ده گی پروژه لرنینگ منطقه مقیاسی ده گی همکارلیک لر گه هم حصه قوشه دیگن لیگی گه ایشانماقده من. افغانستان ده گی ینگی لیک لرنینگ اورته آسیده خوف سیزلیک گه ضرر بیرمس لیگی کیره ک" شکلی ده دوام ایتتردی.
جمهوررئیسی اردوغان نینگ ترکمنستان لیک تینگداشی بیلن بولیب اوتگن اوچره شوی جریانی ده می آیی دن بیری ترکمنستان ده قماق ده بولگن حاجی حمید حمدی نامیده گی ترک تبعه سی اوقوتوچی نینگ وضعیتی هم کون ترتیبی گه کیلدی.
جمهوررئیسی اردوغان نینگ طلبی گه بناً, بیر اوقوچی نی اورگن لیگی سببلی قملگن اوشبو اوقوتوچی نینگ قویب یوباریلیشی گه قرار بیریلدی.