ترکیه باش وزیری:اسرائیل نینگ مسجدالاقصی گه هجومی بربریت دن عبارت

ترکیه باش وزیری اسرائیل نینگ مسجدالاقصی گه قره تیلگن هجومی نینگ انیق روشده بیر بربریت دن عبارت ایکن لیگی نی بلدردی.
ترکیه جمهوریتی باش وزیری احمد داوود اوغلی, "برچه دنیا و مسلمان لرنی مسجد الاقصی نینگ حقی نی دفاع ایتیش گه چقره من" دییه قید ایتدی.
داوود اوغلی, اسرائیل نینگ مسجد الاقصی گه قره تیلگن هجومی نی قاره لرایکن, خلق ارا جامعه نینگ اوشبو وضعیت گه قرشی اینگ فعال بیر شکل ده جواب قیتریشی اوچون کیره ک لیک فعالیت لر نی عمل گه آشیره دیگن لیک لری نی بلدردی.
داوود اوغلی, تینچ لیک شهری دن عبارت بولیشی کیره ک بولگن بیت المقدس نینگ اسرائیل نینگ اوشبو سیاست لری سببلی, اوروش لر, ظلم لر و بربریت نینگ موجود بولگن بیر شهر گه ایله نیب قالگن لیگی نی معلوم قیلدی.
داوود اوغلی اوز سوز لری نی, " بیت المقدس ده بیر دین نینگ حاکمیتی آستیده, باشقه مقدس جای لرنینگ بو طریقه بربریت لیک بیلن پایمال ایتیلیشی تقدیرده, اورته شرق ده تینچ لیک نینگ اورنه تیلیشی ممکن ایمس" شکلی ده دوام ایتتردی.
داوود اوغلی, ترکیه نینگ هر دایم فلسطین لیک قرداش لر بیلن همکار بولیب کیلگن لیگی نی بلدررایکن, بیت المقدس و مسجد الاقصی نینگ ترکیه نینگ تشقی سیاستی نینگ اینگ مهم قسمی نی تشکیل ایتیتگن لیگی نی ایسله تیب اوتدی.