بوگون ترکیه ده جمهوریت بیرمی قیزغین کوتیب آلینماقده

بوگون اکتوبر آیی نینگ ۲۹ نچی کونی یعنی ترکیه جمهوریتی نینگ قوریلگن کونی.
ترکیه ده جمهوریت نینگ قوریلگن لیگی نینگ ۹۱ نچی ییل لیگی قیزغین کوتیب آلینماقده.
دولت مسئول لری اوشبو بیرم نی انقره ده کوتیب آلماقده.
انقره ده اتاترک یادگارلیگی ده اوشبو بیرم بیلن علاقه لی مراسم لر باشلب کیتدی.
اوشبو مراسم گه ترکیه جمهوررئیسی رجب طیب اردوغان, پارلمان باشلغی جمیل چیچک, باش وزیر احمد داوود اوغلی, ترکیه قوراللی کوچ لری قوماندانی سترجنرال نجد اوزیل, جمهوریت خلق حزبی نینگ باشلیغی کمال قلیچدار اوغلی, وزیرلر و ایریم قوماندان لر بیلن بیروکرات لر اشتراک ایتدی.
دولت مسئول لری ترکیه جمهوریتی نینگ اساسچی سی مصطفی کمال اتاترک نینگ مزاری نینگ باشی گه باردی لر.
جمهوررئیسی اردوغان نینگ اتاترک مزاری گه گل قویشی آرتیدن حرمت بجا کیتیریلیشی اوچون سکوت سقلندی.
کیین چه لیک جمهوررئیسی اردوغان اتاترک یادگارلیگی ده گی خاطره کتابی نی امضاله دی.
جمهوررئیسی اردوغان انقره نینگ بیش تپه منطقه سیده گی جمهوررئیس لیگی قصری ده تبریک لر نی قبول ایته دی.
بوندن کیین ایسه, اتاترک فرهنگ مرکزی ده مراسم لر دوام ایته دی.
عینی دمده بوگون ترکیه وقتی بیلن کیچقرون ساعت ۷ ده جمهوررئیسی اردوغان بیش تپه ده گی جمهوررئیس لیگی قصری ده اوشبو مناسبت بیلن بیر دعوت ترتیب لیدی.
ترکیه نینگ قَره مان ولایتی ده بیر معدن ده ۱۸ ایشچی نینگ جان بیرگن لیگی سببلی جمهوریت بیرمی بیلن علاقه لی برچه تفریحی برنامه لر کنسل قلیندی.