ترکیه نینگ سوریه چیگره سی ده گی داعش معما سی

ترکیه نینگ سوریه چیگره سی اینگ مهم موضوع نی تشکیل ایتماقده.
اوشبو دایره ده برچه پلان لر باره سیده باش قاتریتگن انقره رهبریتی, ایککی مهم مهمان نی کوتیب آلماقده.
ناتو نینگ ینگی عمومی سکرتری یانس ستولنبرگ ترکیه گه تشریف بیوردی.
ستولتنبرگ ترکیه جمهوریتی تشقی ایش لر وزیری مولود چاووش اوغلی بیلن ترتیب له گن مشترک مطبوعاتی کنفرانسی جریانی ده, ناتو نینگ بیر متفق اوله راق ترکیه بیلن همکارلیک لری نینگ دوام ایته دیگن لیگی نی بلدردی.
چاووش اوغلی ترکیه نینگ داعش گه قرشی کوره شیب کیلگن لیگی نی بلدردی. عینی دمده چاووش اوغلی موضوع گه تیگیشلی قوییده گیچه گپردی:
"سوریه ده بشار الاسد تیزیمی نینگ دوام ایتگن سری حاضرگی بحرانی وضعیت دوام ایته دی."
"فقط گینه هوائی عملیات نینگ اوزی منطقه ده داعش نینگ تصفیه ایتیلیشی اوچون ییترلیک ایمس."
"اینگ مهم موضوع امنیت بیر منطقه نینگ تشکیل ایتیلیشی دن عبارت."
"ترکیه نینگ امنیتی نی بوزیش گه حرکت ایتیتگن تمان لر گه کوچلی ترکیه دولتی هیچ قچان اجازت بیرمیدی"
ستولنتبرگ ایسه, "داعش منطقه ده اینگ مهم تهدید نی تشکیل ایتماقده. خلق ارا جامعه نینگ داعش گه قرشی کوره ش بوییچه بیر یقه دن باش چیقاریشی کیره ک. ترکیه کوچلی بیر اردو گه ایگه, بیز هم اوشبو دایره ده ترکیه نی حمایه لش گه دوام ایته میز. پاتریوت راکت لری نینگ جایلشتریلگن لیگی ناتو نینگ ترکیه نی حمایه لیتگن لیگی نی کورستماقده. امنیت بیر منطقه نینگ تشکیل ایتیلیشی موضوعی باره سیده بحث ایتدیک. اوشبو موضوع بیر نیچه اولکه نینگ مشترک سعی و حرکتی بیلن مثبت بیر حرکت دن عبارت." دییه قید ایتدی.
ستولنترگ, ترکیه جمهوریتی ملی مدافعه وزیری عصمت ییلماز و ترکیه قوراللی کوچ لری قوماندانی سترجنرال نجدد اوز ایل بیلن هم اوچره شه دی.
امریکا قوشمه ایالت لری دولت رهبری بره ک اوبه مه نینگ داعش مسئله سی بیلن علاقه لی خاص نماینده سی جان اللن ایسه بوگون انقره گه تشریف بیوره دی.
اللن بیلن بولیب اوته دیگن اوچره شو لر جریانی ده ترکیه نینگ داعش گه قرشی خلق ارا ائتلاف بیلن قنچه لیک همکارلیک ایته دیگن لیگی نینگ جزئیاتی باره سیده بحث ایتیله دی.