بایدن نینگ ترکیه دن کیچیریم سوره شی کیره ک

بایدن نینگ ترکیه دن کیچیریم سوره شی کیره ک.
ترکیه جمهوریتی جمهوررئیسی رجب طیب اردوغان بوگون استانبول ده بیرم نمازی نی اوقیشی آرتیدن امریکا قوشمه ایالت لری دولت رهبری بره ک اوبه مه نینگ اورین باسری جو بایدن نینگ ترکیه بیلن علاقه لی بیانات لری باره سیده بحث ایتدی.
اردوغان بایدن نینگ سوز لری گه عکس العمل کورسه تیب, باش وزیر لیک و جمهوررئیس لیگی دوری ده هیچ قچان داعش کبی ترور تشکیلات لری بیلن همکار بولمه گن لیگی نی معلوم قیلرایکن, "بوندای بیر نرسه نی اثبات قلیش لری ممکن ایمس. چیت ایل لیک جنگری لر هیچ قچان ترکیه دن سوریه گه اوتمه گن. توریست پاسپورتی بیلن اولکه میز دن اوتگن بولیشی ممکن. براق, قوراللی بیر شکل ده اوتگن بولیش لری هیچ قچان ممکن ایمس. اوشبو موضوع بیلن علاقه لی حساس بیر سیاست آلیب بارماقده میز" دییه قید ایتدی.
اردوغان امریکا قوشمه ایالت لری گه قیلگن سونگگی سفری ده, امریکالیک لر گه, "بیز ناتوغری بیر سیاست آلیب باردیک", " بوندای بیر سیاستی میز بولدی", "سیز حقلی ایدینگیز" دیگن گپ لرنی گپرمه گن لیگی نی بلدررایکن, اوز سوز لری نی, "بایدن نینگ بوندای بیر نرسه نی ایتگن بولیشی تقدیرده, بیز دن کیچیریم سوره شی کیره ک" شکلی ده دوام ایتتردی.