داعش گه قرشی کوره ش ییغیلیشی اداغگه ییتدی

سعودی عربستان نینگ جده شهری ده گی تروریزم گه قرشی کوره ش بوییچه رهبر لر ییغیلیشی اداغگه ییته دی.
اوشبو ییغیلیش گه امریکا قوشمه ایالت لری, ترکیه, مصر, اردون و کورفز اولکه لری اشتراک ایتدی.
عراق شام اسلام دولتی تشکیلاتی یعنی داعش گه قرشی کوره ش دایره سیده بولیب اوتگن اوشبو رهبر لر ییغیلیشی ده آلینگن قرار لرنینگ اورین آلگن بلدرو نی ترکیه امضاله مه دی.
خودی منه شو بلدرو ده, "اشتراک ایتگن اولکه لر, اویغون اوله راق قبول ایتیلیب, داعش گه قرشی هر قندای بیر حربی عملیات نینگ اویشتریلیشی تقدیرده, فرقلی جهت لر دن اوشبو عملیات گه اشتراک ایتیش بوییچه کیلیشیب آلدی" دییه قید ایتیلگن ایدی.
اوشبو بلدرو ده, داعش نینگ منطقه و دنیا اوچون بیر تهدید دن عبارت ایکن لیگی بلدریلدی.
عینی دمده اشتراکچی اولکه لر, داعش نینگ فقط گینه عراق و سوریه ایمس, بلکه دنیا نینگ قییری ده بولیشی گه قره مسدن یوق ایتیلیشی بوییچه فکر المشدی لر.
شوندای قلیب داعش گه قرشی کوره ش نینگ سوریه نی هم قمره گن لیگی کورینماقده.
ترکیه جمهوریتی تشقی ایش لر وزیری مولود چاووش اوغلی هم خودی منه شو ییغیلیش نینگ اوزی ده قیلگن معروضه سی ده اوشبو موضوع بیلن علاقه لی ترکیه نینگ سیاست لری حقیده معلومات بیردی.