جمهوررئیسی اردوغان عراق جمهوررئیسی معصوم بیلن صحبت ایتدی

ترکیه جمهوریتی جمهوررئیسی رجب طیب اردوغان, تلفن آرقه لی, عراق جمهوررئیسی فواد معصوم بیلن صحبت ایتدی.
اردوغان, عراق ده ینگی حکومت نینگ اعتماد رایی کسب ایتیب اوز وظیفه سی گه باشله گن لیگی بیلن علاقه لی معصوم گه اوز تبریک لری نی بلدردی.
ینگی حکومت نینگ عراق ده گی برچه تمان لر نی اوز بغری گه باسیشی نینگ اوشبو اولکه ده تینچ لیک و برقرار لیک نینگ تامین ایتیلیشی جهتی دن اوزی گه خاص اهمیت گه ایگه ایکن لیگی نی بلدرگن اردوغان, خودی منه شو دور ده ترکیه بیلن عراق آره سیده گی علاقه لرنینگ ینه ده آرتیب کیته دیگن لیگی نی ایسله تیب اوتدی.
اردوغان, ترکیه نینگ عراق خلقی نینگ برچه تمان لری بیلن همکارلیک لری نینگ دوام ایته دیگن لیگی نی معلوم قیلدی.
معصوم هم, ترکیه بیلن عراق آره سیده گی علاقه لرنینگ ینه ده آرتریلیشی بوییچه قرار لی ایکن لیک لری نی بلدردی.
عینی دمده ترکیه جمهوریتی باش وزیری احمد داوود اوغلی و تشقی ایش لر وزیری مولود چاووش اوغلی نینگ هم تلفن آرقه لی عراق لیق تینگداش لری بیلن صحبت ایتیب اوز تبریک لری نی بلدرگن لیک لری قید ایتیلدی.