غلبه بیرمی بیلن علاقه لی رهبر لر نینگ پیام لری

ترکیه ده رهبر لر غلبه بیرمی مناسبتی بیلن تبریکیه پیام لری ترقتدی لر.
جمهوررئیسی رجب طیب اردوغان, آگست آیی نینگ 30 نچی کونی یعنی غلبه بیرمی نینگ, بیرلیک بیلن برچه توسیق لر نی آلیب تشله گن ملت نینگ کوچی نی کورسه تیب بیرگن لیگی جهتی دن اوزی گه خاص بیر اهمیت گه ایگه ایکن لیگی نی بلدردی.
جمهوررئیسی اردوغان, اوشبو مناسبت بیلن ترقتگن پیامی ده, "ملتی میز نینگ خودی منه شو قرار لیگی نی دوام ایتتریتگن لیگی سببلی, بیز حاضر کونده ایندی برچه باسیم لرنینگ یوق بولیب کیتگن, کیله جگی بیلن علاقه لی هیچ قندای بیر قیغو سی بولمه گن بیر اولکه ده یشیتگن لیگی میز اوچون جوده خرسند میز" دییه قید ایتدی.
ترکیه جمهوریتی پارلمانی نینگ باشلیغی جمیل چیچک هم اوز پیامی ده, "تاریخ دوامی ده شرفلی بیر شکل ده یشه گن ملتی میز, اوز موجودیتی نی دوام ایتتریش اوچون برچه مظلوم ملت لر گه الگو بوله دیگن شکل ده کوره ش آلیب باررایکن, اسیر لیک نی رد ایتیب, دنیا ملت لری آره سیده اوزی گه خاص بیر اورین ایگلله گن" دییه قید ایتدی.
باش وزیر احمد داوود اوغلی ایسه اوز پیامی ده, "اجدادی میز دن آلگن الهام بیلن هیچ قندای بیر تبعیض نی مطرح قیلمسدن, تبعه لری میز آره سیده و یشب کیلگن جغرافیه میز ده عدالت و تینچ لیک نینگ اورنه تیلیشی اوچون سعی و حرکت ایتیب کیلگن میز" دییه قید ایتدی.
جمهوریت خلق حزبی نینگ رهبری کمال قلیچدار اوغلی هم, "دین, تیل, ارق و مذهب جهتی دن هیچ قندای بیر تبعیض مطرح بولمسدن مستقل لیق قوشیق لری نی ایتیشیب دشمن گه حمله ایتگن قوتیلیش اردوسی, متفق لری دن هم کوچ کسب ایتگن اشغالچی لر نی توپراق لری میز دن هیده ب یوباررایکن, مستقل لیگی میز و بیرلیگی میز گه ضرر بیریش گه اجازت بیرمیدیگن لیگی نی کورسه تیب بیرگن" دییه قید ایتدی.
ترکیه قوراللی کوچ لری قوماندانی سترجنرال نجدد اوزیل هم, آگست آیی نینگ 30 نچی کونی یعنی غلبه بیرمی نینگ, اولوغ رهبر و بیوک قوماندان مصطفی کمال اتاترک باشچی لیگی ده دشمن لر گه قرشی قول گه کریتیلگن ایسدن چیقاریلیشی ممکن بولمه گن بیر غلبه دن عبارت ایکن لیگی نی بلدردی.