بوگون رجب طیب اردوغان نینگ جمهوررئیس لیگی وظیفه سی باشلب کیته دی

ترکیه نینگ اینگ اساسی کون ترتیبی ایلک مراتبه خلق تمانیدن جمهوررئیسی اوله راق سیلنگن رجب طیب اردوغان نینگ آنت ایچیش و ۱۱ نچی جمهوررئیسی عبدالله گل دن اوشبو وظیفه نی تسلیم آلیش مراسمی تشکیل ایتماقده.
بوگون ترکیه وقتی بیلن توشدن کیین ساعت ده پارلمان ده بولیب اوته دیگن آنت ایچیش مراسمی کیتیدن بوله دیگن وظیفه نی تسلیم آلیش مراسمی آلدینگی مراسم لر دن فرقلی بوله دی.
سیلنگن جمهوررئیسی رجب طیب اردوغان پارلمان ده حربی مراسم بیلن کوتیب آلینه دی.
پارلمان باشلیغی جمیل چیچک پارلمان ده گی عمومی کینگش جلسه سی نینگ باشله نیشی آرتیدن اردوغان نی سالون گه دعوت ایته دی.
شوندای قلیب جمهوررئیسی اردوغان پارلمان ده آنت ایچه دی.
اوشبو مراسم گه ۱۹ اولکه نینگ جمهوررئیسی و دولت رهبری, ۴ اولکه نینگ پارلمان باشلیغی و ۱۴ اولکه نینگ ایسه باش وزیری اشتراک ایته دی.
شوندای قلیب خودی منه شو محفل گه قریب ۸۰ دولت و خلق ارا تشکیلات لرنینگ نماینده لری اشتراک ایتگن بوله دی.
کیین چه لیک ملی سرود نینگ اوقیلیشی آرتیدن حربی مراسم بیلن پارلمان دن کوزه تیلیب یوباریله دیگن جمهوررئیسی اردوغان, جمهوررئیس لیگی مقام موتری بیلن آلدین اتاترک یادگارلیگی و کیین ایسه وظیفه نی تسلیم آلیش اوچون جمهوررئیس لیگی قصری گه باره دی.
جمهوررئیس لیگی قصری ده اردوغان عایله سی آت لیق حربی لر تمانیدن کوتیب آلینه دی.
خودی منه شو ییر نینگ اوزی ده آلدینگی جمهوررئیسی عبدالله گل بیلن ایندی جمهوررئیسی بولگن رجب طیب اردوغان معلوم بیر مدت صحبت ایته دی.
کیین چه لیک ایسه مهمان لرنینگ یانی گه باریله دی.
اوشبو ییر نینگ اوزی ده گل بیلن اردوغان نینگ اوتمیشی حقیده معلومات بیریلرایکن, ایککی رهبر بیر معروضه قیله دی.
کیین چه لیک اردوغان عایله سی, گل عایله سی نی حربی مراسم بیلن کوزه تیب یوباره دی.
گل عایله سی نینگ کیتیشی آرتیدن, اردوغان عایله سی جمهوررئیس لیگی قصری گه تشریف بیورگن مهمان لرنینگ تبریک لری نی قبول ایته دی.