ترکیه ده باش وزیرلیک کاندیدی احمد داوود اوغلی کیم؟

ترکیه جمهوریتی ده باش وزیرلیک و عدالت و توسعه حزبی نینگ رهبرلیگی اوچون کاندید قلیب کورسه تیلگن احمد داوود اوغلی کیم؟
سونگگی پیت لر ده ترکیه نینگ تشقی سیاستی بوییچه کتته موفقیت لر قول گه کریتگن احمد داوود اوغلی میلادی 1959 نچی ییلی ده ترکیه نینگ قونیه ولایتی تاشکنت اولسوال لیگی ده دنیا گه کیلدی.
داوود اوغلی, استانبول ایرکک لیسه سی دن فارغ بولیشی آرتیدن, بوغاز ایچی عالی بیلیم یورتی ده بیر وقت نینگ اوزی ده اقتصاد و همده سیاست بیلیم لری و خلق ارا علاقه لر بولیم لری ده اوقیدی.
مالیزیا ده, خلق ارا اسلام عالی بیلیم یورتی ده درس بیریب یورگن پیت لری ده استاد اسمی نی کسب ایتگن پروفیسر داکتر احمد داوود اوغلی, خودی منه شو کون لر دن بیری دوست لری تمانیدن اوشبو اسم بیلن خطاب ایتیلماقده.
کتته قیزیقیش بیلن اوقیلیتگن ستراتیژیک چقورلیق کتابی نینگ یازوچی سی بولگن احمد داوود اوغلی, میلادی 1980 نچی ییلی ده عبدالله گل بیلن تانیشیب سیاست گه قدم باسرایکن, رجب طیب اردوغان نینگ باش وزیر بولیشی آرتیدن سیاست ساحه سیده گی فعالیت لری نی دوام ایتتردی.
باش وزیرلیک باش مشاورلیک وظیفه سی نی آلیب باریتگن پیت ده اوروپا, اورته شرق, امریکا و اوزاق شرق سنگری دنیا نینگ کوپلب جای لری ده اوته مهم اوچره شو لر اوتکزدی.
میلادی 2009 نچی ییلی ده باش وزیر اردوغان تمانیدن ترکیه جمهوریتی تشقی ایش لر وزیری اوله راق تعین ایتیلگن احمد داوود اوغلی, "قوشنی لر بیلن معما سیز علاقه لر" شعاری بیلن اوز ایشی نی دوام ایتتردی.
کوپلب اولکه لر ده کوپلب اوچره شو اوتکزدی.
داوود اوغلی اویلی بولیب 4 فرزند نینگ آته سی.
داوود اوغلی نینگ برچه دپلوماتیک فعالیت لری ده تینچ لیک, معما لر گه ییچیم یولی تاپیش و واسطه چیلیک شکلی ده گی اوچ اساس گه اهمیت بیریب کیلیتگن لیگی کورینماقده.