اردوغان ترکیه نینگ جمهوررئیسی بولدی

ترکیه نینگ ۱۲ نچی جمهوررئیسی رجب طیب اردوغان دن عبارت بولدی.
ترک خلقی نینگ ایلک مراتبه جمهوررئیسی نی سیله ش اوچون رای بیرگن سیلاو لر نینگ ایلک روندی ده رسمی بولمه گن نتیجه لر گه کوره ترکیه جمهوریتی باش وزیری رجب طیب اردوغان رای لرنینگ ۵۳ فایزی نی کسب ایتیب جمهوررئیسی اوله راق سیلندی.
اون ایککینچی جمهوررئیسی نینگ سیله نه دیگن اوشبو سیلاو لر ده اوچ کاندید بیر بیر لری بیلن رقابت ایتدی.
قدرت ده گی حزب نینگ کاندیدی ترکیه جمهوریتی باش وزیری رجب طیب اردوغان دن عبارت ایدی.
پارلمان ده گی اوپوزسیون حزب لری دن عبارت جمهوریت خلق و ملیتچی حرکت حزب لری دن تشقری ینه ۱۲ حزب نینگ مشترک کاندیدی ایسه اسلام همکارلیک تشکیلاتی نینگ سابق عمومی سکرتری اکمل الدین احسان اوغلی دن عبارت ایدی.
خلق لر نینگ دموکراتیک حزبی نینگ کاندیدی مذکور حزب نینگ تینگ باشلیغی صلاوالدین دیمیرتاش دن عبارت ایدی.
رسمی بولمه گن نتیجه لر گه کوره صندوق لرنینگ ۹۴ فایزی آچیلدی.
اوشبو نتیجه گه کوره رجب طیب اردوغان رای لرنینگ ۵۳,۰۲, اکمل الدین احسان اوغلی ۳۷,۸۴ و صلاوالدین دیمیرتاش ایسه ۹,۱۴ فایزی نی کسب ایتیش گه موفق بولدی.