باش وزیر اردوغان نینگ غزه ده گی وضعیت بیلن علاقه لی بیانات لری

جمهوررئیس لیگی کاندیدی و ترکیه جمهوریتی نینگ باش وزیری رجب طیب اردوغان غزه ده وجدان نینگ توگپ باریتگن لیگی نی بلدررایکن, "دنیا نینگ هیچ بیر جایی و تاریخ نینگ هیچ بیر دوری ده بوندای بیر حق سیز, انصاف سیز و وجدان سیز هجوم مشروع اوله راق قبول ایتیلمه گن" دییه قید ایتدی.
اردوغان, توناون استانبول ده عدالت و توسعه حزبی نینگ ولایتی شوراسی نینگ بیرم مناسبتی بیلن ترتیب له گن مراسمی گه قتنشدی.
باش وزیراردوغان, اسرائیل نینگ هجوم لری گه دوچ کیلیب قالگن غزه گه بیرم کیلمه گن لیگی نی ایسله تیب اوتدی.
اینیقسه غزه لیک باله لرنینگ بیرمی نی تبریک ایتیتگن لیگی نی بلدرگن باش وزیر اردوغان, بیرم نی مزه قلیب اوتکزه آلمیتگن , پارک لر گه باریب اوینیه آلمیتگن و طبی امکانیت لرنینگ موجود ایمس لیگی سببلی قول لری و ایاق لری نی قول دن بیریب قوییتگن غزه لیک باله لر اوچون کیله جک بیرم نینگ بیرم بولیشی نی صمیمی بیر شکل ده آرزو ایتیب قالدی.
باش وزیر اردوغان, اسرائیل تمانیده 3 نفر ملکی نینگ اولگن لیگی گه قره مسدن, اسرائیل نینگ غزه گه قره تیلگن هجوم لری عاقبتیده قریب 100 نفر ملکی نینگ جان بیرگن لیگی نی بلدررایکن, اسرائیل نینگ حماس نینگ راکت لری نی بهانه ایتیب, قیلیتگن قیرغین لری نی مشروع بیر حرکت اوله راق کورسه تیش گه حرکت ایتیتگن لیگی نی معلوم قلدی.
باش وزیر اردوغان, خلق ارا جامعه نینگ غزه ده گی وضعیت گه قرشی عکس العمل کورسه تیشی کیره ک ایکن لیگی نی ایسله تیب اوتدی.
باش وزیر اردوغان, اوشبو صحبتی جریانی ده, قیلگن فعالیت لری اوچون آره سیده تی آر تی نینگ هم موجود بولگن ایریم موسسه لر گه اوز منتدارچیلیک لری نی بلدردی.