ایشلر اسرائیل نینگ هجومی بیلن علاقه لی ایریم بیانات لر بیردی

ترکیه جمهوریتی باش وزیری نینگ اورین باسری امر الله ایشلر اسرائیل نینگ غزه گه قره تیلگن هجوم لری بیلن علاقه لی مهم بیانات لر بیردی.
ایشلر, "اسرائیل نینگ هجوم لری اون آلتی کون دن بیری دوام ایتماقده. ممنوع ایتیلگن قورال لر دن فایده لنماقده. اسرائیل ظالمانه بیر شکل ده اوی لری ده و دسترخوان لری ده باله لر, معصوم ملکی لر, عیال لر و قری لر نی اولدیرماقده. انسان لرنینگ اوی لری نی تخریب ایتماقده. اوشبو وضعیت گه خلق ارا جامعه ده اینگ کوپ عکس العمل کورسه تیتگن تمان نینگ ترکیه دن عبارت ایکن لیگی کورینماقده. بیرلشگن ملت لر تشکیلاتی و خوف سیزلیک کینگشی نینگ ایسه عکس العمل کورستمیتگن لیگی کوزگه تشلنماقده. باشقه غربی اولکه لر هم اوشبو وضعیت گه قرشی سیس سیز بولیب قالگن وضعیت ده. اینگ مهمی ایسه, اسلام عالمی اولکه لری نینگ عکس العمل کورستمیتگن لیگی بیز لر نی خفه قلیب قویگن وضعیت ده. ایندی بیرته گینه عکس العمل کورستیتگن تمان نینگ ترکیه دن عبارت ایکن لیگی ایسه ایریم تمان لرنینگ تینچی نی بوزماقده. بیز اوشبو تمان لرنینگ فکری گه اهمیت بیرمی میز. بیزنینگ تاریخی بیر مسئولیتی میز موجود. بیزنینگ جایله شیب قالگن بیر عنعنه میز بار. ملتی میز هردایم مظلوم لر, معصوم لر و حق نینگ یانیده بولیب کیلگن. بوندن کیین هم خودی منه شوندای بوله دی. باشقه تمان لرنینگ نیمه دییشی گه قره مسدن بیز اوشبو سیاستی میز نی دوام ایتتره میز" دییه قید ایتدی.