بارزانی نینگ انقره ده گی اوچره شو لری

عراق نینگ شمالی ده گی محللی رهبریت نینگ باشلیغی مسعود بارزانی توناون انقره ده ایریم اوچره شو لر اوتکزدی.
چانکایه قصری ده ترکیه جمهوریتی جمهوررئیسی عبدالله گل تمانیدن قبول ایتیلگن بارزانی, کیین چه لیک باش وزیر لیک مهمان خانه سیده ترکیه جمهوریتی باش وزیری رجب طیب اردوغان بیلن اوچره شدی.
باش وزیر لیک منبع لری دن آلینگن معلومات لر گه کوره, اوشبو اوچره شو جریانی ده, عراق ده برقرارلیک و خوف سیزلیک نینگ قیته باشدن تامین ایتیلیشی اوچون ینگی بیر سیاسی باشلنغیچ گه احتیاج حس ایتیلیتگن لیگی معلوم قلینگن.
اوشبو دایره ده عراق ده عمومی سیلاو لرنینگ بولیب اوتیشی آرتیدن, کوتیلگن اوزگریش نینگ عملی بولیشی اوچون سیاسی پروسه نینگ جدل روشده آلغه کیتیشی نینگ اهمیتی گه دقت قره تیلدی.
اوشبو اوچره شو جریانی ده بحرانی منطقه لر گه ترکیه نینگ بشری یاردم لر آلیب باریشی دن تشقری, ترکیه بیلن عراق نینگ شمالی ده گی محللی رهبریت آره سیده گی انرژی ساحه لری سنگری موضوع لر بوییچه علاقه لر باره سیده هم بحث ایتیلدی.
ترکیه جمهوریتی تشقی ایش لر وزیری احمد داوود اوغلی هم بارزانی بیلن اوچره شدی.
خودی منه شو اوچره شو جریانی ده عراق ده گی سیاسی ینگی لیک لر توغری سیده بحث ایتیلدی.
اوشبو اوچره شو جریانی ده عراق ده گی حکومت نینگ قوریلیشی بیلن علاقه لی فعالیت لر بهالنتریلرایکن, محللی رهبریت بیلن ترکیه آره سیده گی انرژی موضوع لری باره سیده هم بحث ایتیلگن لیگی بلدریلدی.
خودی منه شو اوچره شو جریانی ده تروریزم گه قرشی مشترک روشده کوره ش توغری سیده هم بحث ایتیلگن لیگی قید ایتیلدی.