مطبوعات خلاصه لری ۰۱.۰۵.۲۰۱۴

ملیت روزنامه سی, آلدینگی هفته ده امریکا قوشمه ایالت لری, اوروپا بیرلیگی, روسیه و اوکرائین آره سیده ژنیو ده اوکرائین بحرانی نینگ اداغگه ییتیشتریلیشی بیلن علاقه لی کیلیشیلیب آلینگن گه قره مسدن ملی حاکمیتی بوییچه جنجال لرنینگ کونساین آرتیب باریتگن لیگی اوچون کیف رهبریتی نینگ جدی معنی ده عصبانی له شیب قالگن وضعیت ده ایکن لیگی نی بلدرماقده.
روزنامه, اوکرائین نینگ اوتکینچی دولت رهبری الکساندر تورچینوف نینگ والی لر بیلن اوتکزگن بیر ییغیلیشی جریانی ده, "صمیمی بیر شکل ده ایسله تیب اوتیشیم کیره ک که, دونیتسک و لوهانسک ده خوف سیزلیک کوچ لری کنترول نی قول گه کریتیش بوییچه ییترسیز بولیب قالماقده" دییه قید ایتگن لیگی نی معلوم قلماقده.
خبرده, آلچیفسک ده هم دولت بنا لری نینگ روسیه طرفداری ملیشه لر تمانیدن قول گه کریتیلگن لیگی نینگ اوکرائین نینگ شرقی ده گی کنترول نی کونساین قول دن بیریب باریتگن لیگی نی کورسه تیتگن لیگی قید ایتیلماقده.
حریت روزنامه سی, عراق ده سیلاو بولیب اوتگن لیگی نی معلوم قلماقده.
خبرده, اوشبو سیلاو لر جریانی ده ۳۲۸ کرسی گه ایگه پارلمان اعضالیگی اوچون ۹ مینگ نفر کاندید نینگ بیر بیر لری گه قرشی رقابت ایتگن لیک لری قید ایتیلماقده.
عینی دمده خبرده, عراق ده عالی سیلاو کمیسیونی نینگ, سیلاو لر گه اشتراک میزانی نینگ ۶۰ فایز دن عبارت ایکن لیگی نی بلدرگن لیگی ایسله تیلماقده.
روزنامه, خودی منه شو سیلاو لرنینگ ۴ مینگ ۹ یوز نفر ژورنالست تمانیدن تعقیب ایتیلگن لیگی نی بلدررایکن, خلق ارا ناظر لرنینگ سانی نینگ ایسه بیر مینگ ۴ یوز نفر دن عبارت ایکن لیگی نی بلدرماقده.
صباح روزنامه سی, دنیا نینگ فرقلی اولکه لری ده مصرده گی اعدام قرار لری گه قرشی عکس العمل کورسه تیلگن لیگی نی ایسلتماقده.
روزنامه, ترکیه ده گی ۴۳ عالی بیلیم یورتی باشلیق لری نینگ, ۶۸۳ نفر کودتا گه مخالف کیشی لرنینگ اعدام قرار لری نی تصدیق له شی کوتیلیتگن مصر مفتی سی گه بیر مکتوب یازگن لیک لری نی قید ایتماقده.
خبرده, اوشبو مکتوب ده, "معصوم و مشروع طلب لری نی خشونت سیز بیر شکل ده مطرح ایتگن, ایرکین سیلاو لر ده ترجیح لری گه ایگه بولیب چیقگن ملکی لرنینگ جزالنتریلیشی حقوقی, وجدانی, اخلاقی و دینی جهت دن قبول ایتیلیشی ممکن بولمه گن بیر وضعیت دن عبارت" دییه قید ایتیلگن لیگی گه دقت قره تیلماقده.
ملیت روزنامه سی, جنوبشرقی آسیا اولکه لری دن بیری بولگن برونی ده شریعت حکم لری نینگ جزا قانونی اوله راق قبول ایتیلگن لیگی نی معلوم قلماقده.
خبرده, روزه توتمیدیگن و نماز اوقیمیدیگن کیشی لرنینگ قمه له دیگن لیگی و نقدی بیر شکل ده جریمه قلینه دیگن لیگی بلدریلرایکن, همسری نی الده ته دیگن کیشی لرنینگ ایسه تاش بیلن اوریلیب اولدیریله دیگن لیگی قید ایتیلماقده.
روزنامه, قریب ۴۰۰ مینگ نفوس گه ایگه برونی رهبری سلطان حسن بلقیه نینگ شریعی قانون لرنینگ باسقیچ مه باسقیچ تطبیق ایتیله دیگن لیگی نی ایسله تیب اوتگن لیگی نی بلدرماقده.
خبرده, اوشبو اولکه نینگ ۶۰۰ ییل دن بیری خودی منه شو رهبر نینگ عایله سی تمانیدن باشقریلیب کیلیتگن لیگی گه دقت قره تیلماقده.