تحلیل و تیکشیروو لوحه سی 75
تحلیل یازووی
تورکیه بیلن پولند اورته سیده 24 ته بیراقدار ت ب 2 قوراللی هیداوچیسیز هوا واسطه سی (سیها) ساتیشی بوییچه بولیب اوتگن کیلیشوو علاقه لرنی قیته دن تورکیه نینگ اوستی گه ماسلشتیردی. بوندن آلدین قطر، لیبیا، اوکراین و آذربایجان گه ساتیلگن بیراقدار ت ب 2 سیها بو کیلیشوو بیلن ایلک مرته بیر ناتو و اروپا بیرلیگی اعضاسی اولکه گه صادر قیلینگن بوله دی. تورک ایها و سیهالریگه خلق ارا مقیاسده کورستیلگن علاقه کونسایین آرتیب باریشیده و پولندنینگ هم بو پلاتفورم نی ترجیح ایتیشیده بعضی بیر سببلر بار.
خوفسیزلیک بوییچه تیکشیرووچی مراد یشیل تاش نینگ موضوع گه دایر فکر و ملاحظه‌لرینی اعتبارینگیزگه حواله قیله‌میز .
اولاً تورک مدافعه صنایع محصولاتلری نینگ حقیقتاً حربی فضاده ایش آلینیشی و یوتوقلی نتیجه لر آلینیشی، خلق ارا بازارده یوکسک رقابت کوچی بولمیش سیها تیزیملریگه علاقه کورستیشلریگه سبب بولدی. شونده ی بولیب تورک ایها و سیها فلاتفورملری بیرینچی اورینده توره دی. سوریه، لیبیا و سونگگی اوله راق تاغلی قاره باغده گی فرقلی توقنه شوو ساحه سیده بیراقدار ت ب2 تیزیملری نینگ یوتوقلری خلق ارا مقیاسده گی علاقه نینگ یوقاری سویه گه باریشی گه سبب بولدی. اوستون ظرفیتلرگه ایگه بولگن لیگی ایتیلگن روس هوا تیزیملری نینگ بیراقدار ت ب2 گه قرشی تاثیرسیز قالیشی، قوراللی کوچلر دوکترینلری کوز قره شیده ینگی تارتیشوولرنینگ یوزه گه چیقیشی گه سبب بولدی.
تورک ایها و سیها تیزیملری نینگ تجربه سی بو تیزیملرنینگ نه فقط کشف، کوزه توو و استخبارات عین دمده هوا/رامت تیزیملری نینگ یاتیشتیریلیشی ویا دشمن زره واسطه لری نینگ تاثیرسیز وضعیت گه کیلتیریلیشی کبی وظیفه لری هم یوتوقلی بیر شکلد بولیب اوتدی.
تورک مدافعه صنایع محصولاتلرینی خلق ارا مدافعه بازاریده رقابتچی وضعیت گه کیلتیرگن ایریم بیر خصوص ایسه مالی ییچیملری دیر. ناتو اعضا اولکه لری ایچیده امریکا قوشمه ایالتلری تولیدی بولمیش ایها و سیهالرنینگ کتته بیر حاکمیتی بولگن حالده بولرنینگ امریکا اوزی ایش آلگنده هم جوده قیمت توشه دی.
باشقه بیر تاماندن امریکانینگ قانونلریگه بناً بو کبی تیزیملرنینگ صادراتیده جدی شکلده کوزه توو و توسیقلر بولیشی هم ساتیب آله دیگن اولکه لرگه سلبی تاثیر قالدیرگن سببلردیر. بونگه قرشی تورک ایها و سیها تیزیملری انچه مناسب قیمتده دیر. تورکیه بیلن پولند اورته سیده بولیب اوتگن کیلیشوو نه فقط بیر قورال ساتیش کیلیشووی بوندن تشقری بیر قطار جیوپولیتیک نتیجه لر آلیش ظرفیتی هم بار. اولاً پولندنینگ بیر ناتو اولکه سی بولیشی کیلیشوونینگ تورک – ناتو مناسبتینی رواجلنتیریشی قاله ویرسه ناتو ایچیده گی همکارلیک روحیه سینی کوپه یتیرماقده.
باشقه تاماندن پولندنینگ هم اوکراین کبی اینگ کتته تهدید اولکه اوله راق روسیه بولیشی بو ساتیش نینگ اهمیتلیراق قیلدی. ت ب2 نینگ اوکرایندن کیین پولندگه ساتیشی ایسه روسیه نینگ سیاستی گه قرشی عملی بیر آدیم اوله راق کوریله دی. شونده ی بولیب روسیه بیلن قوشنی بولگن تورکیه بیلن متفق اولکه لرنینگ سانینی کوپه یتیریشی همده ظرفیتینی کوپه یتیریشی روسیه نینگ حرکت ساحه سی نینگ کوپ ایمس ایکن لیگینی کورسته دی. قنچه هم روسیه نینگ تورکیه گه قرشی بیر تنقیدی بولسه ده انقره نینگ بو تنقیدگه بها بیرمه گن لیگی دقت تارتیشی کیره ک بولگن ایریم بیر موضوع.
خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.
