تورک تشقی سیاستیده تینگلیک اورنیشلری

تورک تشقی سیاستیده تینگلیک اورنیشلری

امریکا قوشمه ایالتلری و غرب عالمی نینگ کوریلیشده بحران یشه شی بیلن "لیبریال دنیا تیزیمی" برهم ییب بارماقده، شونده ی بولیب اونینگ اورنیده ایریم بیر تیزیم نینگ برقرار قیلینمه گن قوروق بیر باسقیچ نینگ ایچیده قرار تاپگن میز. انچه جیوپولیتیک قطعه لرزه گه کیلگن وضعیتده. توقنه شوولر، بحران حاکم بولگن بیر پیتده میز. بونقه بیر باسقیچده تورکیه نینگ اطرافیده عراق، سوریه و لیبیا بیلن بیر قطارده شرقی – اورته ییر دینگیزی کبی انچه منطقه ده قیزیق توقنه شوو ساحه لری موجود. بولر مستقیم تورکیه نینگ ملی منفعتلری گه تاثیر قالدیرماقده. تورکیه ایسه بونقه بیر وقتده تشقی سیاست تامانلرینی تیکشیریب نه فقط غربی اکتورلر بیلن روسیه و چین کبی رواجلنیب باراتگن بویوک کوچلر بیلن ینگی شریکلیکلر برقرار قیلیب ملی منفعتلرینی کوپراق قیلیش گه اورونماقده.

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

سونگی ییللرده تورکیه نینگ تشقی سیاستینی شکللنتیرگن بیر قطار اساسی حادثه یوز بیردی. بولردن اینگ مهمی 15 جولای تونتروو تشبثی، سوریه مسئله سی و شرقی اورته ییر دینگیزی دیر. 2016 – ییلی تونتروو تشبثی بیلن لرزه قیلگن تورکیه فتو ترور ساختاری غربی اولکه لر تامانیدن قوللب – قوتلنیشی بیلن خیاللری پوچگه چیقدی. تورکیه بونینگ متفقلیک مناسبتی گه ماس کیلمس لیگینی اورته گه قویگن حالده تیگیشلی اولکه لر بیلن اینیقسه امریکا قوشمه ایالتلری و آلمان کبی اولکه لر بیلن جدی بیر ایشانچسیزلیک مرحله سیگه کیردی. آرتیدن سوریه ده غربی اولکه لر تامانیدن یالغیز قوییلدی. عین دمده امریکا قوشمه ایالتلری نینگ ترور تشکیلاتی پی کاکانینگ سوریه ترماغی گه بیر دولت قوریش اورونیشی کوزه تیلدی. شونده ی بولیب تینچلیک بولاغی عملیاتی آرقه لی بو وضعیت گه مستقیم مداخله قیلدی. بو حادثه لر یوز بیررکن بیر توازن برقرار قیلیش اوچون روسیه بیلن سیاسی و حربی اورتاقلیکلرگه کیریشیب باشله دی. س 400 هوا مدافعه تیزیمی ساتیب آلیشی، سوریه ده امریکا قوشمه ایالتلری نی چیتلنتیره دیگن شکلده آستانه جریانی نینگ اورتاغی بولیشی ینه چین بیلن ایکو – پولیتیک مناسبتلرینی رواجلنتیریش گه اورونیشی اساسی حرکتلر بولدی.

البته تورکیه روسیه بیلن برچه موضوعلرده کیلیشیب آلگن ایمس. ایککی تامان مخالف بولگن انچه جیو-پولیتیک مسئله لر موجود. روسیه نینگ بشارالاسد تیزیمی نی قوللب- قوتلشی، لیبیاده خلیفه حفتر بیلن حربی شریک لیگی، قیریم مسئله سی کبی مهم موضوعلرده ایریم فکرلرده بولگن لیکلرینی کوره میز. بیراق تورکیه نقطه نظریدن امریکا قوشمه ایالتلری قاله ویرسه غربی اولکه لرنینگ ترور تشکیلاتی فتو، سوریه و شرقی – اورته ییر دینگیزیده تورکیه نینگ قرشیسیده بولیب توریشلری شونده ی بولیب روسیه بیلن هم کونسایین کوپه ییب بارگن بحرانده بولگن حالده تورکیه بیلن روسیه بعضی بیر ساحه لرده مشترک حرکت قیلماقده لر.

لیبرال دنیا تیزیمی چوکیب کیتیشی و ینگیسی نینگ بنا ایتیلمه یشی بیلن تورکیه اوز منفعتلرینی مرکزگه آله دیگن شکلده توازنی سیاست تعقیب ایتیش اورونیشیده دیر. شونده ی بولیب روسیه و چین بیلن مناسبتلری ستراتیژیک سویه گه بارگن بولمسه هم آرتیریش گه دوام ایته دیگن گه اوخشه یدی.    

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.