اوزگرووچی جامعه و تورکیه

اوزگرووچی جامعه و تورکیه

اوزگریش زمانیده میز. گلوباللشیش جریانلری، حیاتیمیزگه انچه ساحه ده بیز خوهله سک ویا خواهله مسک اوزگریشلر کیلتیره دی. گلوباللشیش جریانلری بیلن بیرگه لیکده عین حالده سرعتلی اقتصادی ترقیات هم یوز بیرگن جمعیتلرده انچه فراز – نشیب لیکلر یوز بیره دی. بو بولیمده جامعه نینگ وضعیتی و تورکیه ده اوزگریب تورگن جامعه نی قولگه آلماقچی من.

انقره ییلدیریم بایزید بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.

مسلوف و احتیاجلر درجه سی:

امریکالیک روانشناس ابراهام مسلوف "احتیاجلر درجه سی" اصطلاحی بیلن انسان حرکتلرینی تحلیل قیله دی. مسلوف اولاً انسانلرنینگ اساسی ضرورتلرینی بجا کیلتیریش خواستی بیلن حرکت قیلگنینی بو اساسی ضرورتلرنینگ تامین ایتیلیشی نینگ آرتیدن اورته و یوقاری سویه ایریم ضرورتلری نینگ تامین ایتیلیشی اوچون اورونگنینی معلوم قیلماقده. مسلوف انسانلرگه روحیه بیرگن احتیاجلرنی بیر پیرامیت گه اوخشتماقده. بولرنی کتته دن تارگه قره تیب 5 بولیم گه ایریب قویگن دیر. پیرامید نینگ بیرینچیسیده فیزیولوژیک ضرورتلر باردیر. آچلیک، فساد، باش پناه کبی ضرورتلردن عبارت. 2 – ایسه ایش، ملکیت، ساغلیق کبی ضرورتلردیر. 3- سویه ده صاحب چیقیش، سیوگی، قبول بولیش، اجتماعی یشش کبی نرسه لر جای آلماقده. 4- سویه ده ارزش کوریش، اهمیت سویه سی دیر. جایگاه، موفقیت، اعتبار کوریش اوزی نینگ اورنینی آلیش فعالیتلری دیر. 5- ایسه اوزینی توزه تیش سویه سی دیر. بو سویه ده انسانلر اساسی ضرورتده گی سویه دن انچه مصافه آلگن بوله دیلر. کوپراق یراتووچی و فعال، اخلاقی اوزینی کوره دیگن درجه ده دیر.

مسلوف گه کوره احتیاجلر تامین بولگندن کیین بو کبی ضرورتلر تامین بولیشی بیلن تیگیشلی اورونیش روحیه سی و اهمیتی قولدن بیریله دی.

تیزده رواجلنیش و نتیجه لری:

مسلوف شخصلر اوچون نظرده توتگن ضرورتلر درجه تحلیلی جمعیتلر ایچیده هم کریش ممکن.

گلوباللشیش جریانلری بیلن بیرگه لیکده بعضی بیر جمعیتلر قیسقه مدتده انچه تیز اقتصادی رواجلنیش گه ایرشدی. چین، برازیل، هندوستان کبی مملکتلر بیلن بیرگه لیکده توکیه هم شو قطارده. آق حزدن آلدین کیشی باشی عایدی 2000 دالر بولگن تورکیه قیسقه جریانده 10 مینگ دالرگه ییتدی.

بو اقتصادی رواجلنیش نینگ اقتصادی، مدنی، تعلیم، عایله، سیاست کبی حیات نینگ برچه ساحه لریده انعکاس قیلگن.

اقتصادی رواجلنیش نینگ انعکاسلری:

اوزگرووچی اقتصادی ترجیحلر: جمعیتلرنینگ قیسقه مدت جریانیده 5 قوات بای بولیب باریشی، شخصلرنینگ اقتصادی ترجیح لریگه انچه اوزگریش کیلتیره دی. تورکیه جهتیدن اوزگرگن بو وضعیت مبائیل ساحه سیده کوریش ممکن. تورکیه ده مبائیل اوزگرتیریش سانی دنیا مقیاسیده انچه یوقاریده دیر.

عایله مناسبتلری: اقتصادی اوزگریش ایر- خاتین و باله لرنی هم تماماً اوزگرتیرماقده دیر. آلدینگی وضعیتده عایله لر کورینیشده کوپراق ضرورتی بولگنده باله لر کوپراق حرمتلی و گپ قیله دیگن ایدی. اقتصادی اوزگریش بیلن بیرگه لیکده عایله لر بای بولرکن عایله فردلری آزاد و تنقیدی بیر یانداشوو ایچیده بولماقده لر.

تعلیم: کمراق عایدی بولگنده تعلیم، فردلرنینگ ترقی قیلیش و اوزلرینی نجات بیریشلری اوچون کوپراق مقصد بولر ایکن عایدی کوپ بولگنلر اوچون تعلیم واسطه بولیب قالگن دیر.

مدنیت – صنعت – کورینیش: عاید کوپه یگنده مدنیت، صنعت و کورینیش گه علاقه  و قیغو کوپراق بولماقده.

سیاست: 1980 ییلرده دولتلر کورینیشده کوپراق اقتدارگرا وطنداشلر ایسه کوپراق معدب ایدی. دولتلر بوگونکی کونده کوپراق دموکرات بولگن حالده وطنداشلر کوپراق تنقید قیلووچی دیرلر. گلوباللشیش جریانلری و اقتصادی رواجلنیش بیلن عایله لرده گی کبی فرد- دولت- جمعیت مناستلری اوزگرماقده دیر. بو اوزگریش البته سیاستنی و سیاسی بیانات گه هم تاثیر قالدیرماقده دیر. ینگی جامعه طبیعی اوله راق ینگی تیل/طرز/ایتیش/ایش قیلیش طرزینی کیلتیرماقده دیر. مسلوف نینگ احتیاجلر درجه سیده بولگنیدیک بای بولگن اورته – اوست عایدگه ییتیب بارگن جمعیتلرگه اساسی ضرورتلرنی وعده قیلیش نینگ اهمیتی یوق دیر. کوپه یگن عاید سویه سی سیاسی بیاناتلر بیلن تیگیشلی اوله راق جمعیت نینگ توقعلرینی اوزگرتیرماقده دیر. 2 مینگ دالرلیک بیر عایدده گی خرجتلر انچه ارزشلی کوریلیشی ممکن. 10 دالرلیک وضعیتده ایسه اساسی ضرورتلردن گپیریش بهاسیز بوله دی.

تیزلیکده اوزگریش و مدنیت:

تیزلیکده اوزگریش یوز بیرگن مملکتلرده اینگ یمان وضعیتده بولگن ساحه مدنیت ساحه سی دیر. اقتصادی رواجلنیش ویا گلوبال علاقه و معلومات بیلن انچه نرسه گه تیزده اوزگریش یوز بریشی ممکن بوله دی. بیراق مدنیت بونقه ایمس، جوده استه – سیکین اوزگریب باره دی. بونینگ اقتصاد، تعلیم، خاتین – ایرکک مناسبتلری کبی ساحه لرگه تاثیراتینی کورماقده میز.  جمعیتی جایگاهلرگه اوزگریش یوز بیرماقده ایکن جمعیتی مدنیت اونقه تیز اوزگرمه گنی اوچون مدنی توقنه شوولرگه شاهد بولماقده میز.

مدنی علاقه و معلومات:

اوزگرگن جامعه فقط اقتصادی رواجلنیش بیلن بولمه یدی. تکنالوژیک اوزگریشلر فرد-غایله-دولت-جمعیت مناسبتلرینی هم اوزگرتیره دی. اولراق فردلر یقین قرینداش، اورتاق و مکتب ده گی اورتاقلری بیلن یوزمه یوز مناسبت قوریب بیر اجتماعی جریانده بولرکن رواجلنگن تکنالوژی و اینیقسه اجتماعی میدیا واسطه لری بیلن ایندی فردلر گلوبال سویه ده و سنی مناسبتلر بیلن بیر اجتماعی جریان یشه ماقده لر. شونده ی بیر اجتماعی جریان نینگ وطنداشلرده هم بولگنینی ایتیش ممکن. شونده ی بولیب دولتلرنینگ هم عایله لر کبی فردلر اوستیده محدود صلاحیت گه ایگه بولگنینی کورماقده میز.

ینگی جامعه نینگ ایجادیده اقتصادی رواجلنیش بیلن گلوبال علاقه و معلومات تاثیری کتته دیر. جمعیت، دولت و عایله لرنی اوزگرتیریش گه مجبور قیلگن اصل نرسه گلوبال علاقه و معلومات واسطه لری  جمعیت، دولت و عایله علاقه لری نینگ ایریم مملکت/عایله لرده قنداغ ایکن لیگینی یخشی راق تعقیب قیلینیشی دیر.

آخرده شونی ایتیش کیره ک. تاریخ نینگ اساسی نقطه سینی بیرگه لیکده کورماقده میز دیب اویله یمن. باله لریمیز ینگی بیر دورنینگ ینگی نسل لری ایکن کتته لریمیز مینگ ییل لیک عنعنات نینگ سونگی نسل لری دیر. بیر نسل اوله راق ایکاوی نینگ اورته سیده بیر تاماندن اوتمیش نینگ مینگ ییل لیک تجربه سی، عنعنه سی گه ایگه بولماقده ایکن، باشقه تاماندن ینگی بیر دورنینگ باشیده میز. جامعه تیزده اوزگرگن بونقه بیر وضعیتده اوتمیشده توخته ب قالمس لیک کیره ک. حضرت مولانانینگ شو گپلری تعلیم، عایله مناسبتی اینیقسه سیاسی بیانات بیلن تیگیشلی اوله راق بیز رهنما بولماقده.   

توناون بیلن بیرگه لیکده کیتدی جانلریم

قنچه گپ بولسه توناون بیلن تیگیشلی

ایندی ینگی نرسه لر ایتیش کیره ک

البته عنعناتدن اوزاق قالمه ی 

انقره ییلدیریم بایزید بیلیم یورتی سیاست علملر فآقولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.