تورکیه لیک فوتبالچی دنیا فوتبال موزیمیگه اورنینی آلدی

تورکیه لیک فوتبالچی دنیا فوتبال موزیمیگه اورنینی آلدی
تورکیه لیک فوتبالچی خاقان شکور نینگ فوتبال کییم لری فیفا ( FIFA) تمانیدن زوریخ ده توزه تیلگن موزیم ده اوز اورنینی آله دی.
تورکیه ملی فتبال تیمی و گالاته سرای نینگ دنیا بوییچه مشهور ایسکی فوتبالچی سی خاقان شکور میلادی 2002 نچی ییل دنیا کپ مسابقه لریده جنوبی کوریا - تورکیه دنیا 3 نچی لیک مسابقه سیده 11 نچی ثانیه ده دنیا نینگ اینگ قیسقه مدت ده گول آتگن فوتبالچی بولیب تورکیه نی دنیا 3 نچی سی بولیشیگه بویوک حصه قوشگن ایدی. عین دمده تورکیه فتبال لیگی ده گالاته سرای آتیده 249 گول و اروپا مسابقه لریده 37 گول، ملی تیم آتیده اروپا و دنیا مقیاسیده 51 گول بیلن تورکیه نینگ اینگ کوپ گول آتگن فوتبالچی سی دیر. خودی شو کیشی انگلستان و ایتالیاده موفقیت لیک بیلن فوتبال قیلگن تورکیه لیک فوتبالچی لردن بیرته سی دیر. عین دمده خاقان شکور اروپا آلتین کاووشی (Golden Boot) جایزه سینی هم قولگه کیریتگن دیر.
تورکیه تاریخی ده ایلک بار بیرتورک تیمی اوله راق میلادی 2000 نچی ییل گالاته سرای تیمی انگلستان نینگ ارسینال تیمی نی مغلوب ایتیب اروپا کپ نی قولگه کیریتگن ایدی. خاقان شکور خودی شو مسابقه ده کییگن فتبال کییمی بیلن 2002 نچی ییل دنیا کپ 3 نچی لیک مسابقه سیده کییگن فوتبال کییمی نی فیفا تمانیدن اورین بیریلگن موزیم گه اعدا ایته دیگن لیگی بیلدیریلدی.
ایتیش کیره ک که گالاته سرای تیمی تورکیه نینگ اروپا مقیاسیده گی اینگ موفق تیمی دیر. خودی شو تیم 2000 نچی ییل اروپا کپ و عین دمده ریال مادرید نی مغلوب ایتیب اروپا سوپر کپ نی هم قولگه کیریتگن دیر. تورکیه ده باشقه تیم اوشبو کپ لرنی آلیشگه موفق بولمه گن دیر.