فلیپین جمهوررئیسی: اولکم ده گی اوچ میلیون معتاد نی اولدیرماقچی من

فلیپین جمهوررئیسی اوزی نی نازی رهبری آدولف هیتلر گه اوخشترایکن, اولکه سی نینگ اوچ میلیون معتادی و مخدره مواد ساتووچی سی نی اولدیرماقچی ایکن لیگی نی بیلدیردی.

 دوترته اوشبو مطلب نی بوگون (جمعه) بیرگن بیاناتلریده بیلدیردی.

او, "کیله جک اولاد نینگ نجات بیریلیشی اوچون اوچ میلیون معتاد نینگ اولدیریلیشی تقدیرده خرسند بوله من" دییه قید ایتدی.

دوترته, می آییده مخدره مواد گه قرشی کوره ش و اداری فساد نی یوق ایتیش شعاری بیلن ۱۰۰ میلیون نفوس گه ایگه فلیپین ده جمهوررئیسی ایتیب سیلندی.  

عینی دمده دوترته جون آیی نینگ ۳۰ نچی کونیده رسماً اوشبو اولکه نینگ جمهوررئیسی صفتیده اوز وظیفه سی گه باشله دی.  

خودی منه شوو کون نینگ اوزیدن بیری اوشبو اولکه ده ۳۱۰۰ نفر معتاد و مخدره مواد ساتووچی سی پولیس نینگ عملیاتی نتیجه سیده اولدی.