اوراسیا اقتصادی کینگشی جلسه سی اوتکزیلدی

روسیه نینگ ست پترزبورگ شهریده یوکسک اوراسیا اقتصادی کینگشی جلسه سی بولیب اوتدی.

روسیه دولت رئیسلیک سرایی کرملین تامانیدن بیریلگن بیاناتگه کوره روسیه دولت باشلیغی ولادیمیر پوتین نینگ باشچیلیگیده بولیب اوتگن جلسه گه قزاقستان جمهور باشلیغی قاسم جومرت توکایف بیلن قرغزستان جمهور باشلیغی صدر جباروف قاله ویرسه بلاروس جمهور باشلیغی الکسندر لوکاشنکو، ارمنستان باش وزیری نیکول پشینیان و اوراسیا اقتصادی کینگشی باشلیغی میخائیل میاسنیکویچ قتنشگن.

یوکسک اوراسیا اقتصادی کینگشی نینگ فعالیتلر بهالندیریلگن جلسه، کیین کینگه یتیریلگن شکلده دوام ایتگن.

روسیه دولت رهبری بو جایده قیلگن اوز صحبتیده، اوراسیا اقتصادی کینگشی اولکه لرنینگ صنایع و زراعت ساحه سیده گی همکارلیگینی کوچه یتیرگن لیگینی و بو توغریده بعضی بیر کیلیشوولرگه قول قوییلگن لیگینی معلوم قیلیب، " اوراسیا اقتصادی کینگشی اعضاسی اولکه لری آره سیده ملی پول تولش نینگ 90 فایزدن آشدی." دیدی.

"جنوب – شمال" خلق ارا ترانسپورت کوریدوری قاله ویرسه اوراسیا اقتصادی کینگشی نینگ مشترک تراسپورت توزومی نینگ رواجلنیشی گه تیگیشلی اورونیشلرنینگ دوام ایتیب تورگن لیگینی تیلگه آلگن پوتین ایران بیلن بولیب اوتگن ایرکین تجارت کیلیشووی نینگ برچه اوراسیا اقتصادی کینگشی اولکه لری تامانیدن تصدیقلنیشینی امید قیلگن لیگینی معلوم قیلدی.