تورکیه نینگ آنتالیا هوا قونلغه سیده رکورد اورنه تیلدی

تورکیه نینگ آنتالیا ولایتی هوا قونلغه سیده اوچاق و یولاوچی سانی جهتی دن رکورد اورنه تیلدی. 

توریزم نینگ جوده یخشی بولگن آنتالیاده, قونیب اوچه یاتگن اوچاق لر سانی نینگ هم انچه آرتیب کیتگن لیگی کورینماقده. 

آنتالیا والیسی ایرسین یازیجی, اجتماعی ترماق آرقه لی بیرگن بیاناتیده اوشبو قونلغه ده شنبه کونده گی اوچاق و یولاوچی سانی توغریسیده معلومات بیردی. 

هوا قونلغه سیده جاری هفته ده ایکّی رکورد اورنه تیلگن لیگینی بیلدیرگن یازیجی, ایچکی پروازده 127 و تشقی اوچیشده 1063 بوله دیگن شکلده توپلم 1190 اوچاق نینگ قونیب اوچگن لیگینی معلوم قیلدی. 

یولاوچی سانی جهتی دن هم رکورد اورنه تیلگن لیگینی معلوم قیلگن یازیجی, ایچکی پروازده 20 مینگ 795 و تشقی پروازده 195 مینگ 124 نفر بوله دیگن شکلده 214 مینگ 919 یولاوچی نینگ اوشبو قونلغه دن استفاده ایتیلگن لیگینی بیلدیردی.