تورکیه تورت آیده اون اوچ میلیون دالرلیک بال صادر قیلدی

تورکیه تورت آیده 13,5 میلیون دالرلیک بال (عسل) صادر قیلدی.   

شرقی قاره دینگیز صادراتچی لر بیرلیگی رهبرلیک کینگشی باشلیغی  نینگ اورینباسری احمد حمدی گوردوغان, تورکیه نینگ جنوری بیلن اپریل آی لری آره سیده 40 اولکه, خودمختار و ایرکین منطقه گه بال ساتگن لیگینی بیلدیردی. 

گوردوغان, میلادی 2023- ییل جنوری- اپریل آی لریده 4 مینگ 142 تن بال صادراتی دن 13 میلیون 468 مینگ 114 دالر عاید قولگه کیریتیلگن لیگینی معلوم قیلدی. 

گوردوغان, " امریکا قوشمه ایالتلری, آلمان و اسرائیل اوشبو دورده اینگ کوپ صادرات قیلینگن 3 نقطه دن عبارت بولدی. امریکا قوشمه ایالتلری گه 5 میلیون 256 مینگ 178, آلمان گه 2 میلیون 110 مینگ 292 و اسرائیل گه ایسه 1 میلیون 803 مینگ 82 دالرلیک بال صادر قیلیندی." دییه قید ایتدی. 

گوردوغان, اوتگن ییل نینگ خوددی شوو دوری دن فرقلی اوله راق  سعودی عربستان, آیرلند, کرواسیا, رومانیا, ونزوئلا, چین خلق جمهوریتی و کامرون گه هم بال ساتیلگن لیگینی بیلدیردی.