اوزبیکستان – قرغزستان – چین اورته سیده تیمیر یولی بوییچه کیلیشووگه قول قوییلدی

اوزبیکستان نینگ سمرقند ولایتیده اوزبیکستان – قرغزستان – چین تیمیر یولی نینگ قرغزستان توپراقلریده گی بولیمی نینگ قوریلیشی اوچون کیلیشووگه قول قوییلدی.

قرغزستان جمهور رئیسلیگی مطبوعات باشقرووی تامانیدن بیریلگن بیاناتده، شنگهای همکارلیک تشکیلاتی اعضاسی دولتلرنینگ رهبرلری نینگ جلسه سیگه میزبانلیک قیله دیگن سمرقند شهریده اوزبیکستان – قرغزستان – چین تیمیر یولی نینگ قرغزستان توپراقلریده گی بولیمی نینگ قوریلیشی اوچون کیلیشووگه قول قوییلگن لیگی بیلدیریلدی.

کیلیشووگه قرغزستان ترانسپورت و علاقه وزیری ایرکین بیک اوسویف، اوزبیکستان ترانسپورت وزیری الهام محکم اوف و چین رواجلنیش و ریفورملر دولت کینگش باشلیغی هی لیفن تامانیدن قول قوییلگن لیگی افاده ایتیلدی.

اوشبو پروژه نینگ دستلبکی تخنیک – اقتصادی اساسلش فعالیتلری نینگ 2023 ییلی 1 جون تاریخی گچه یکونلنیشی کوتیلگن لیگی قید ایتیلدی.

اوزبیکستان – قرغزستان – چین تیمیر یولی پروژه سی بیلن اورته آسیانینگ جنوب – شرق، غربی آسیا و اورته شرق بازاریگه ییتیب باریشینی تامین ایتیلیشی مقصد قیلیب آلینگن لیگی معلوم قیلیندی.