تورکیه دنیا نینگ اینگ مهم قوراللی اوچووچیسیز اوچاق ایشلب چیقاروچی لریدن بیریگه اَیلَندی

فرانسه نینگ لوفیگارو روزنامه سی, تورکیه نینگ سونگگی 15 ییل مابینیده دنیا نینگ اینگ مهم قوراللی اوچووچیسیز اوچاق ایشلب چیقاروچی لری دن بیری گه اَیلَنگن لیگینی بیلدیردی. 

"تورک سیاستی نینگ قولیده گی بیر تکنالوژی" عنوانی بیلن بیریلگن خبرده, تورکیه ده ایشلب چیقاریلگن قوراللی اوچووچیسیز اوچاق لرنینگ میلادی 2020- ییلی کوکلم موسمیده خلیفه حفتر طرفداری کوچ لر بیلن لیبیا حکومتی اورته سیده گی اوروش لر ده مهم رول اوینه گن لیگی بیلدیریلدی. 

خبرده, اوشبو اوچاق لرنینگ موثریتی بیلن بیر قطارده نرخی نینگ هم اویغون ایکن لیگی معلوم قیلیندی. 

خوددی شوو اوچاق لردن میلادی 2016- ییلدن باشلب چیگره دن تشقری عملیات لرده هم استفاده ایتیله باشلنگن لیگی بیلدیریلگن خبرده, "موثریتی کونساین آرتیب باریاتگن تورک قوراللی اوچووچیسیز اوچاق لر نه فقط لیبیا, بلکه تاغلی قاره باغ ده هم اوز کوچی نی کورسه تیب بیردی" دییه قید ایتیلدی. 

عینی خبرده, آذربایجان, قطر, اوکراین و تونس بیلن بیر قطارده, ناتو اعضاسی پولند نینگ هم اوشبو اوچاق لردن ساتیب آلگن لیگی بیلدیریلدی. 

خبرده, لیتونیا, هنگری, آلبانیا و باشقه اولکه لرنینگ هم اوشبو اوچاق لر بیلن قیزیقیاتگن لیگی معلوم قیلیندی.