تورکیه اوکراین ده تاتار لر گه 500 اوی قوریب بیره دی

تورکیه جمهوریتی, قیریم تاتار لری اوچون اوکراین نینگ کیف, میکولایف و کیرسون شهرلریده 500 اوی قوریب بیره دی. 

اوشبو توغریده تورکیه جمهوریتی اطراف- محیط و شهرچیلیک وزیری مراد قوروم, تویتر آرقه لی بیانات بیردی. 

قوروم بیاناتیده, توناون تورکیه جمهوریتی جمهوررئیسی رجب طیب ایردوغان نینگ, تورکیه گه تشریف بویورگن مهمانی اوکراین لیک کسبداشی ولادیمیر زلنسکی بیلن بیرگه تورکیه- اوکراین عالی ستراتیژیک کینگشی ییغیلیشی گه اشتراک ایتگن لیگی نی بیلدیردی. 

مراد قوروم, اوکراین باش وزیر اورینباسری اولیکسی ریزنیکوف بیلن قیریم تاتار خلقی نینگ نماینده لری و اوکراین وطنداش لری نینگ فایده له نه دیگن اوی لرنینگ قوریلیشی بوییچه کیلیشوو امضاله گن لیک لری نی معلوم قیلدی. 

قوروم, "اوز یورت لری نی ترک ایتیش گه مجبور بولیب قالگن قیریم تاتار لری اوچون اوی پروژه میز بیلن علاقه لی بیرینچی قدم دن عبارت بولگن اوشبو کیلیشوو دایره سیده کیف, میکولایف و کیرسون شهرلریده تورکیه تامانیدن 500 اوی قوریب بیریله دی. عملگه آشیریله دیگن پروژه نینگ, اولکه لری میز آره سیده, اطراف- محیط و شهرچیلیک موضوعی بوییچه ینگی قدم لرنینگ تشله نیشی گه حصه قوشیشی نی آرزو قیلرایکن, حاضردناق اوشبو اورتاق فعالیت نینگ تورکیه – اوکراین دوستلیگی اوچون خیرلی بولیشی نی تیلب قاله من" دییه قید ایتدی.