انگلستان تورک عالم نینگ شرکتی تامانیدن ایشلب چیقاریلگن واکسین نینگ کینگ قوللنیلیشی نی معقول له دی

انگلستان, تورک عالم پروفیسر داکتر اوغور شاهین نینگ اساسچی اورتاغی بولگن آلمان نینگ بیوتکنولوژی شرکتی دن عبارت بایونتیک نینگ امریکا نینگ دوا شرکتی فایزر بیلن مشترک روشده ایشلب چیقارگن ینگی تور کرونا ویروس (کووید 19) گه قرشی واکسینی نینگ کینگ قوللنیلیشی نی معقول له دی. 

بی بی سی تامانیدن بیریلگن خبر گه کوره, انگلستان نینگ دوا و ساغلیک محصولاتی نی تنظیم ایتیش اداره سی, " BNT162b2 "  واکسینی نینگ کینگ قوللنیلیشی گه اجازت بیرگن. 

شونده ی قیلیب انگلستان, کووید 19 گه قرشی ایشلب چیقاریلگن بیر واکسین نینگ استفاده ایتیلیشی گه اجازت بیرگن بیرینچی اولکه دن عبارت بولدی. 

اجازت بیریلیشی آرتیدن ایندی انگلستان ده کیلگوسی هفته دن باشلب اولویتلی کیشی لرنی ایملَش پروسه سی نینگ باشله شی کوتیلماقده. 

آلدین انگلستان اوشبو واکسین دن 40 میلیون دوز آلیش اوچون کیلیشوو امضاله گن ایدی. 

اوشبو mRNA واکسینی دنیا ده معقوللنگن بیرینچی کووید 19 واکسینی دن عبارت بولدی. 

خوددی شوو واکسین, 10 آی کبی قیسقه بیر مابینیده کلینیک آلدی پروسه سی و 3 باسقیچلی کلینیک تجربه لری نینگ تکمیل بولیشی آرتیدن معقوللندی. 

فایزر و بایونتیک اوشبو واکسین نینگ کرونا ویروس گه قرشی 95 فایز مقیاسیده موثر ایکن لیگی نی معلوم قیلگن ایدی. 

شرکت لر, واکسین لرنینگ تیزده استفاده ایتیلیشی گه اجازت بیریلیشی اوچون امریکا قوشمه ایلتلری غذا و دوا اداره سی (FDA) بیلن اوروپا دوا آژانسی (EMA) گه مراجعه قیلگن ایدی.

شرکت لر, واکسین نینگ تامین ایتیلیشی اوچون امریکا قوشمه ایالتلری, اوروپا بیرلیگی, انگلستان, کانادا و جاپان بیلن کیلیشوو لر امضاله دی. 

تورکیه جمهوریتی ساغلیق نی سقلش وزیری فخرالدین کوجه, 25 نوامبرده بیرگن بیاناتیده قیش آی لریده 25 میلیون دوز واکسین آلینیشی بوییچه اوچره شوولر اوتکزگن لیک لری نی بیلدیردی. 

کوجه, 1 میلیون دوز واکسین نینگ ایسه دسامبر آییده آلینه دیگن لیگی نی معلوم قیلدی.

شرکت, 2020 – ییل نینگ سونگگی گه قدر 100 میلیون و 2021 – ییل نینگ آخریگه چه ایسه تقریباً 1,3 میلیارد دوز واکسین ایشلب چیقاریش نی ریجه له ماقده.