تورکیه نینگ اوچینچی طبیعی گاز قیدیریش کیمه سی قاره دینگیز گه جونب کیتدی

تورکیه نینگ اوچینچی طبیعی گاز قیدیریش کیمه سیدن عبارت قانونی, استانبول ده گی حیدر پاشا بندری دن قاره دینگیز گه جونب کیتدی. 

اوشبو مناسبت بیلن بولیب اوتگن مراسم گه تورکیه جمهوریتی انرژی و طبیعی منبع لر وزیری فاتح دونمز هم اشتراک ایتدی. 

مراسمده معروضه قیلگن دونمز, قاره دینگیز ده آلیب باریلیاتگن فعالیت لر توغریسیده, "قاتح طبیعی گاز قیدیریش کیمه سی, تونه – 1 دن کیین ساکاریا گاز ساحه سیده گی تورک علی – 1 ده ینگی برمه کارلیک فعالیت لری گه باشله دی و حاضرگه قدر 2 مینگ 600 متر قازدیک. یاووز کیمه سی ایسه سلجوقلی- 1 ده برمه کارلیک نی 6 مینگ مترده تکمیل قیلدی.  امیدلی نتیجه لر آلدیک و بو منطقه نینگ یقین لریده ینگی برمه کارلیک فعالیت لری عملگه آشیریله دی" دییه قید ایتدی. 

ساکاریا گاز ساحه سیده اورین آلگن تورک علی-1 قودوغی و قودوق ده قیلینه دیگن تست لر بیلن موجود ذخیره و تولید ظرفیتی حقیده قوشیمچه معلومات قولگه کیریتیلیشی کوتیلرایکن, عینی دمده اوشبو قودوق ده گی فعالیت لر ساحه نینگ گاز ظرفیتی نینگ ینه ده یخشیراق درک ایتیلیشی اوچون هم شرایط یره تیب بیره دی. 

شونده ی قیلیب, تورک علی-1 قودوغی فاتح گاز قیدیریش کیمه سی نینگ قازه دیگن بیرینچی تثبیت قودوغی دن هم عبارت بولیب ساحه نینگ تخنیکی خصوصیت لری نینگ انیقلشتیریلیشی بوییچه مهم رول اوینه یدی. 

فاتح, گاز تاپیلگن ساکاریا گاز ساحه سیده تثبیت قودوق لری نی آچر ایکن, قانونی قودوق تست لری نی عملگه آشیره دی و ساحه بوییچه کیره کلی معلومات لرنینگ قولگه کیریتیلیشی اوچون زمینه یره ته دی. 

تورکیه نینگ قاره دینگیز ده گی فعالیت لری دایره سیده توپلم 40 قودوق آچیله دی.