تورکیه نینگ فاتح کیمه سی نینگ گاز قیدیریش فعالیت لری باشله دی

تورکیه جمهوریتی انرژی و طبیعی منبع لر وزیری فاتح دونمز, فاتح کیمه سی نینگ تورک علی-1 قودوغی ده برمه کارلیک فعالیت لری نینگ باشله گن لیگی نی معلوم قیلدی.

دونمز خوددی شوو خصوصده تویتر آرقه لی بیانات بیردی.

اوشبو توغریده بیرگن بیاناتیده دونمز, "قاره دینگیز نینگ فاتحی فعالیت گه باشله دی. تیارگرلیک لرنینگ تکمیل بولیشی آرتیدن تورک علی-1 قودوغیده برمه کارلیک فعالیت لری گه باشله دیک.  برمه کارلیک فعالیت لری میز 75 کون دوام ایته دی.  برکتلی بولسین" دییه قید ایتدی.

تورکیه نینگ بیرینچی وطنی برمه کارلیک کیمه سی دن عبارت فاتح, 19 اوکتوبرده قاره دینگیز ده گی طبیعی گاز قیدیریش فعالیت لری آرتیدن تخنیکی جهت دن تیکشیریلیشی اوچون تورکیه نینگ زونگولداک ولایتی نینگ چای جمعه تومنی گه کیتیریلگن ایدی.