تورکیه پارلمانی باشلیغی: تورکیه نینگ قاره دینگیز ده طبیعی گاز تاپگنی حیاتی اهمیت گه ایگه

تورکیه جمهوریتی پارلمانی نینگ باشلیغی مصطفی شنتوپ, تورکیه نینگ قاره دینگیز ده طبیعی گاز تاپگن لیگی نینگ حیاتی اهمیت گه ایگه ایکن لیگی نی معلوم قیلدی. 

تورکیه جمهوریتی جمهوررئیسی رجب طیب اردوغان بوگون استانبول ده بیرگن بیاناتیده, تورکیه نینگ, قاره دینگیز ده 320 میلیارد متر مکعب طبیعی گاز تاپگن لیگی نی بیلدیرگن ایدی. 

اوشبو خصوصده بیرگن بیاناتیده مصطفی شنتوپ, "(طبیعی گاز نینگ تاپیلیشی) ملتی میز اوچون تاریخی بیر ینگیلیک دن عبارت بولدی. تورکیه, انرژی بوییچه مصرف لر دن قوتیلیشی تقدیرده, کوچی زودلیک بیلن ینه ده آرتیب کیته دی " دییه قید ایتدی.

تورکیه جمهوریتی جمهوررئیسی نینگ اورینباسری فواد اوکتای هم اجتماعی ترماق آرقه لی اوشبو خصوصده بیانات بیردی. 

اوکتای, " بویوک تورکیه هدفی دایره سیده, قاتح برمه کارلیک کیمه میز بیلن تشلنگن قدم بیلن انرژی میزنی اوزی میز تامین ایته میز.  تورکیه اوچون فعالیت آلیب باریش, تولید و کوره ش گه دوام ایته میز" دییه قید ایتدی.

تورکیه جمهوریتی مالیه و خزانه وزیری برات آلبیرق هم فاتح کیمه سیدن اوشبو خصوصده بیانات بیردی. 

آلبیرق, "بوگون اولکه میز نینگ ملی انرژی سیاسی جهتی دن تاریخی بیر کون.  موتلی و هیجانلی میز.  اولکه میز جهتی دن اوته مهم بیر ینگیلیککه شاهد بولماقده میز.  آگست آیی تاریخی میزده ظفر لر آی دن عبارت" دییه قید ایتدی.

آلبیرق, اوشبو ینگیلیک بیلن تورکیه نینگ کیله جگی نینگ پارلاق بوله دیگن لیگی نی معلوم قیلدی. 

تورکیه جمهوریتی انرژی و طبیعی منبع لر وزیری فاتح دونمز هم فاتح کیمه سیدن بیانات بیردی. 

دونمز, بوگون نینگ تورکیه و تورک ملتی اوچون تاریخی بیر کوندن عبارت بولگن لیگی نی معلوم قیلدی.

دونمز, قاره دینگیز ده طبیعی گاز تاپیلگن ساحه ده یقین ده ینه ده کوپراق گاز ساحه سی نینگ تاپیله دیگن لیگی نی معلوم قیلرایکن, "اوشبو ساحه بوییچه فعالیت لری میز نی ینه ده انیقلشتیره میز. انشاءالله جمهوریتی میز نینگ 100 – ییلی ده ملتی میز گه گازی میز نی کورسه تیب بیره میز" دییه قید ایتدی.