تورکیه دن برازیل گه ساتیلگن تنفس ماشین لری ساوپاولو ایالتی گه ییتیب باردی

تورکیه ده ایشلب چیقریلگن و برازیل گه صادر قیلینگن تنفس ماشینی اولکه نینگ ساوپاولو ایالتی گه ییتیب باردی.

تورکیه صنایع و تکنالوژی وزیری مصطفی ورنک، تویتر آدرسی آرقه لی نشر قیلگن پیامیده ساوپاولی ایالتی گه ییتیب بارگن ماشینلر بیلن تیگیشلی ویدیو ترقه تدی.

صنایع وزیری؛

"ویدیوده گی تیرللرده ملی تکنالوژی محصولاتلری بار. دنیاگه نفس بولگن وطنی کوما حالت تنفس ماشینلری بار. جمهور باشلیغیمیز رجب طیب ایردوغان نینگ باشچیلیگیده آلیب باریلگن انسانلیک ارزشلری بار" دیب افاده ایتگن.

برازیل مطبوعاتیده اورین آلگن خبرلرده، تورکیه دن ساتیب آلینگن 1500 تنفس ماشینیدن 650 ته سی نینگ تسلیم ایتیلگن لیگی و یکشنبه کونیدن باشلب کسلخانه لرگه ترقه تیش گه باشله لنه جگی بیلدیریلدی.

نفوسی 120 میلیوندن آشیب بارگن برازیل، امریکا قوشمه ایالتلری نینگ آرتیدن کوید-19 گه یولیققن کسل سانی اینگ کوپ اولکه وضعیتیده.

لاتین امریکا منطقه سیده کروناویروس کسل لیگی نینگ مرکزی وضعیتی گه ایلنگن برازیل ده بوگونگچه 35 مینگ 930 کیشی حیاتینی یوقاتگن 672 مینگ کیشی بو ویروس گه یولیققن.