انگلستان تورکیه گه منتدارچیلیک بیلدیردی

انگلستان, ینگی تور کرونا ویروس (کووید 19) گه قرشی کوره ش دایره سیده طبی یاردم یوبارگن لیگی اوچون تورکیه گه منتدارچیلیک بیلدیردی. 

تورکیه دن انگلستان گه جونه تیلگن طبی یاردم یوکلنگن طیاره لندن ده گی عسکری بیر هوا قونلغه سی گه باریب قوندی. 

طیاره ده گی هیئت, کووید 19 گه قرشی کوره ش دایره سیده استفاده ایتیله دیگن تورکیه نینگ اوشبو یاردم لری نی انگلیس مسئول لر گه تاپشیردی. 

تورکیه نینگ لندن ایلچیسی امید یالچین, اوشبو یاردم لرنینگ خوددی شوو یمان کون لرده تورکیه نینگ انگلستان گه یاردمی دن عبارت ایکن لیگی نی بیلدیردی. 

یالچین, یاردم لرنینگ ماسک, طبی پرسونل نینگ کییه دیگن کییم, قول قاب و عینک کبی بویوم لردن عبارت ایکن لیگی نی بیلدیررایکن, تورک هیئتی بیلن بیر قطارده یاردم نی تسلیم آلگن انگلیس قوماندان بیلن هم صحبت ایتگن لیگی نی معلوم قیلدی. 

انگلیس قوماندان نینگ, تورکیه جمهوریتی جمهوررئیسی رجب طیب اردوغان نینگ کووید 19 نی یوقتیریب آلگن لیگی سببلی تداوی ایتیلیاتگن انگلستان باش وزیری بوریس جانسون گه یوبارگن مکتوبی نی هم آلگن لیگی نی معلوم قیلگن یالچین, قوماندان نینگ, بونده ی یمان کون لرده یاردم ایتگن لیگی اوچون تورکیه گه منتدارچیلیک بیلدیرگن لیگی نی بیلدیردی. 

یالچین انگلستان تشقی ایش لر وزیرلیگی اوروپا بولیمی باشلیغی ویندی مورتون نینگ هم قونغیراق قیلیب منتدارچیلیک بیلدیرگن لیگی نی معلوم قیلدی. 

انگلستان نینگ انقره ایلچی سی دومینیک چیلکوت هم, اجتماعی ترماق آرقه لی بیرگن بیاناتیده, "دوستی میز و متفقی میز تورکیه گه اوشبو صمیمی یاردم لری اوچون منتدارچیلیک بیلدیره میز. اوشبو طبی یاردم لر کووید 19 گه قرشی بیرینچی صفده کوره شیاتگن انگلیس ساغلیق پرسونلی اوچون حیاتی اهمیت گه ایگه" دییه قید ایتدی.

اوشبو یمان کون لرده یوباریلگن بونده ی یاردم لرنینگ همکارلیک نینگ اینگ یخشی مثالی دن عبارت ایکن لیگی نی بیلدیرگن چیلکوت, اوز سوز لری نی, "دوست, یمان کون لرده انیق بوله دی.  برچه ساحه لر بوییچه همکارلیگی میز نینگ ساغلیقلی کون لرده آشیب دوام ایته دیگن لیگی گه ایشانچیم کامل" شکیده دوام ایتتیردی.