تورکیه – روسیه اورته سیده گی سوداگرلیکده ایککی اولکه نینگ پولیدن ایش آلینه دی

روسیه مالیه وزیرلیگیدن بیریلگن بیاناتده، تورکیه – روسیه اورته سیده سوداگرلیکده ینه کوپراق ملی پولدن ایش آلینیشی بیلن تیگیشلی 4 – آکتوبرده کیلیشووگه قول قوییلگن لیگینی خبر بیردی.

مذکور بیاناتده، تورکیه حزینه و مالیه وزیری برات آلبیراق بیلن روسیه باش وزیر اورینباسری و مالیه وزیری انتون سیلوئانوف اورته سیگه قول قوییلگن کیلیشوو بیلن ایککی مملکت اورته سیده گی تجارتده قدمه – قدمه ربل و لیره دن ایش آلیش کوپه ییب باره جگی قید ایتیلدی.

شونده ی قیلیب مناسب بازارنینگ ایجاد ایتیله جگی ایککی مملکت نینگ ملی پولی نینگ تجاری اداره لر کوزیده جذابیتی نینگ آرتیب باره جگی معلوم قیلیندی.

شو بیلن تورک بانکلری نینگ SWIFT الترناتیفی SPFS گه باغله نیشی و روس MIR کارتی نینگ تورکیه ده استفاده قیلیشی نینگ ییره ب باره جگی بیلدیریلدی.

عیندمده روسیه بیلن تورکیه نینگ ملی مالی پیام جونه تیش تیزیمی نینگ ایریم مملکتلرگه هم آچیلیشینی ریجه لشتیریشنی قولگه توتگن لیکلری قید ایتیلگن حالده " کیلیشووگه قول قوییلگن لیگی روسیه – تورکیه اورته سیده اوز ارا فایده لی و عادلانه تجارت و اقتصادی همکارلیک نینگ کوپراق رواجلنیشی اوچون مهم بیر ادیم دیر" دیب ایتیلدی.