اوزبیکستان بیلن آلمان اورته سیده میلیاردلب دالرلیک کیلیشوولرگه قول قوییلدی

اوزبیکستان بیلن آلمان اورته سیده توپلم 4 میلیارد دالرلیک پروژه لرنینگ عملی قیلینیشی بوییچه بیر قطار کیلیشوولرگه قول قوییلدی.

اوزبیکستان دولت سرمایه گذارلیک کمیته سیدن بیریلگن بیاناتده، باش وزیر اورینباسری و دولت سرمایه گذارلیک کمیته سی باشلیغی سهراب خالمرادوف باشچیلیگیده گی اوزبیکستان هیئتی جمهور باشلیغی شوکت میر ضیایف نینگ کیلگوسی هفته آلمانگه قیله دیگن سفری آلدی برلین گه سفر قیلیب اوزبیکستان – آلمان تجارت ییغینی گه اشتراک ایتدی.

آلمان اقتصادی و انرژی وزیری اورینباسری ایچکارد فرانز و خالمرادوف نینگ باشچیلیکلریده اویوشتیریلگن تجاری ییغین گه انچه اوزبیک و آلمان مسؤللر بیلن سوداگرلر قتنشدی.

ایککی مملکت اورته سیده تجاری – اقتصادی سرمایه گذارلیک، انرژی، ترانسپورت، زراعت و ایریم ساحه لرده گی همکارلیک نینگ رواجلنتیریلیشی بوییچه امکانیتلرنینگ قولگه آلینگن لیگی بیلدیریلدی.

مذکور ییغین نینگ آرتیدن ایککی اولکه نینگ شرکتلری اورته سیده توپلم 4 میلیارد دالرلیک پروژه لرنینگ عملی قیلینیشی بوییچه کیلیشوولرگه قول قوییلدی.

بیریلگن بیاناتگه کوره، قول قوییلگن خوددی شو کیلیشوولر نفت-گاز، کیمیا، انرژی، زراعت، غذائی مواد، ساختمان موادلری تولیدی و هوتل ساختمانی پروژه لری عین دمده ایککی مملکت نینگ بانکلری اورته سیده قرض بیریش موضوعلرینی اوز ایچی گه آلماقده.

جمهور باشلیغی شوکت میرضیایف، کیلگوسی هفته قیله دیگن رسمی سفر بیلن آلمان گه بیرینچی مرته سفر قیلگن بوله دی. شو بیلن آلمان شرکتلرنینگ اداره چیلری بیلن اوچره شوولر اوتکزه دی.