تورکیه – صربستان تجارت جلسه سی اوتکزیلماقده

جمهور باشلیغی رجب طیب ایردوغان، تورکیه – صربستان اورته سیده گی تجارت حجمی نینگ اوتگن ییل 1 ملیارد دالردن آشیب کیتگن لیگینی بونینگ قیسقه مدت جریانیده 2 ملیارد آرتیدن 3 ملیارد دالرگه آلیب بارماقچی ایکن لیکلرینی افاده ایتدی.

تورکیه – صربستان تجارت کینگشی، جمهور باشلیغی رجب طیب ایردوغان و صربستان جمهور باشلیغی الکسندر فوسیک نینگ قتنشیشی بیلن اوتکزیلدی.

ایردوغان جنابلری، خوددی شو جایده قیلگن اوز صحبتیده، صربستان جمهور باشلیغی فوسیک و صربستانلیک تجارلر بیلن اوچره شگن لیگی اوچون خرسند ایکن لیگینی و اوشبو جلسه نینگ ایککی اولکه اورته سیده ینگی پروژه لر و سرمایه گذارلیکلرگه وسیله بولیشینی آرزو قیلگنینی افاده ایتدی.

ایردوغان، تورکیه اوچون دوست بیر اولکه ایکنینی تیلگه آلیب، بالقان اولکه لریده تینچ لیک نینگ اورنه تیلیشی توغریسیده مهم اورنی بولگن بیر اولکه ایکنینی ایتدی.

جمهور باشلیغی ایردوغان، صربستان بیلن اوز ارا مناسبتنی تورلی ساحه لرده توسعه بیریش اوچون ایککی اولکه ده اراده نینگ موجود ایکن لیگینی اورغولب، فوسیک نینگ تورکیه گه قیلگن سفری نینگ بونگه یخشی بیر مثال تشکیل بیرگنی گه اشاره قیلدی.

عین دمده بوگون بولیب اوتگن تورکیه – صربستان اورته سیده گی یوقاری سویه لی همکارلیک شوراسی نینگ بیرینچی جلسه سی بیلن تجارت ساحه سیده گی فعالیت نینگ آرتیب باریشیدن خبر بیردی.