پوتین نینگ دوستی امریکا نینگ تشقی ایش لر وزیری بولدی
پوتین نینگ دوستی امریکا نینگ تشقی ایش لر وزیری بولدی
روسیه دولت رهبری ولادیمیر پوتین نینگ دوستی امریکا قوشمه ایالتلری نینگ تشقی ایش لر وزیری بولدی.
امریکا قوشمه ایالتلریده بولیب اوتگن سیلاو نتیجه سیده اوشبو اولکه نینگ دولت رهبری ایتیب سیلنگن دونالد ترامپ, کتته پطرول و طبعی گاز شرکتی دن عبارت ایکسون موبیل نینگ ایگه سی ریکس تیلرسن نی اولکه سی نینگ تشقی ایش لر وزیرلیگی گه کاندید قیلیب کورستدی.
تیلرسن پوتین دن دوست لیک نشانی آلگن ایدی
دنیا نینگ ۵۰ دن آرتیغراق اولکه سیده پطرول و طبعی گاز قیدیریتگن ایکسون موبیل میلادی ۲۰۱۱ نچی ییلی ده روسیه نینگ روس نفت شرکتی بیلن بیر کیلیشو امضاله گن ایدی.
میلادی ۲۰۱۳ نچی ییلیده ایسه پوتین تیلرسن گه دوست لیک نشانی بیرگن ایدی. تیلرسن, روسیه نینگ اوکرائین نینگ قیریم منطقه سی نی اوزی گه الحاق ایتیشی آرتیدن امریکا قوشمه ایالتلری نینگ تحریم لری اوچون ناراضی چیلیک بیلدیررایکن, ایکسون موبیل نینگ ۱ میلیارد دالر لیک سرمایه گذارلیگی نینگ هدر بولیب کیتگن لیگی نی بیلدیرگن ایدی.
عینی دمده بیر نیچه کون آلدین دونالد ترامپ نینگ روسیه نینگ مداخله سی بیلن امریکا قوشمه ایالتلری نینگ ینگی دولت رهبری اوله راق سیله نیش گه موفق بولگن لیگی گه تیگیشلی بیر ادعا هم مطرح ایتیلگن ایدی.
بیراق اوشبو ادعا ترامپ نینگ اوزی تامانیدن انیق روشده رد ایتیلگن ایدی.
