چینده اردوغان بیلن اوباما اوز ارا اوچره شدی

ترکیه جمهوریتی جمهوررئیسی رجب طیب اردوغان, چین نینگ هانگزو شهریده امریکا قوشمه ایالتلری دولت رهبری باراک اوباما بیلن اوچره شدی.

 اردوغان, جی 20 رهبر ییغیلیشی گه اشتراک ایتیش اوچون چین گه سفر قیلگن ایدی. 

قیرق بیش دقیقه دوام ایتگن اوشبو اوچره شوو جریانیده اساساً سوریه, ترکیه نینگ سوریه توپراق لریده گی فرات قالقانی عملیاتی و تروریزم گه قرشی کوره ش موضوع لری باره سیده بحث ایتیلدی. 

اردوغان, اوشبو اوچره شوو جریانیده, اوباما گه, پی کا کا, پی وای دی و داعش سنگری ترور تشکیلات لری گه قرشی کوره ش آلیب باریتگن ترکیه نینگ, جنوبی چیگره سیده هر قنده ی بیر تروریزم دهلیزی نینگ تشکیل ایتیلیشی گه طرفدار ایمس لیگی نی ینه بیر مرته بیلدیردی. 

هیئت لر ارا بولیب اوتگن اوچره شووده ایسه اردوغان, فتح الله چی ترور تشکیلاتی نینگ جولای آیی نینگ 15 نچی کونیده گی کودتا تشبثی گه قرشی کوره ش بوییچه ترکیه نی حمایه له گن لیگی سببلی امریکا قوشمه ایالتلری گه اوز منتدارچیلیک لری نی بیلدیردی. 

تروریستیک هجوم لر بیلن کودتا تشبثی نینگ بیر وقت نینگ اوزیده قیلینگن لیگی نی اوزی گه خاص بیر معنی سی نینگ موجود ایکن لیگی نی بیلدیرگن اردوغان, فتح الله چی ترور تشکیلاتی نینگ رهبری فتح الله گولن نینگ ترکیه گه تاپشیریلیشی بیلن علاقه لی تیارلنگن دوسیه لرنینگ امریکا گه یوباریلگن لیگی نی بیلدیررایکن, ینگی دوسیه لرنینگ هم واشنگن رهبریتی گه یوباریله دیگن لیگی نی ایسله تیب اوتدی. 

اوباما ایسه, کودتا تشبثی نینگ بولگن کون نینگ اوزی یعنی جولای آیی نینگ 15 نچی کونیده ترک خلقی نینگ کودتا چی لر گه قرشی مقاومت قیلیب دموکراسی گه قنچه لیک اهمیت بیرگن لیگی نی کورسه تیب بیرگن لیگی نی ایسله تیب اوتدی. 

تروریست لرنینگ هجوملری نتیجه سیده جان بیرگن کیشی لر اوچون تسلیت بیلدیرگن اوباما, ترک حکومتی و ترک خلقی نی حمایه لیتگن لیک لری نی بیلدیررایکن, کودتاچی لرنینگ محکمه ایتیلیشی بوییچه هم قوللریدن کیله دیگن برچه همکارلیک لرنی قیله دیگن لیک لری نی معلوم قیلدی. 

ترکیه نینگ ترور تشکیلاتی داعش گه قرشی کوره ش بوییچه کوچلی بیر متفق دن عبارت ایکن لیگی نی بیلدیرگن اوباما, اوشبو همکارلیک روحی نینگ دوام ایتیشی نی آرزو ایتیتگن لیک لری نی ایسله تیب اوتدی.